قير يوكن دينالي يفصل تم معرفة المشكله
 

السلام عليكم ورحمة الله وبركاته


ياجماعة الخير الله يجزا خير من يشور علي ويبدي رايه

واهل الخبرة مايقصرون راعين التجارب

انا معي يوكن دينالي2007 ... 7 غيارات مع الريوس يفصل القير معي وتصير السياره كنها بالفاضي اطفي السياره واشغلها ترجع طبيعي ودقايق وترجع نفس المشكله

اشتغلت لمبة المكينه معي وديتها خبير سيارات امريكيه مركز فني وفحصها قال يمكن الشريحه وفعلا طلعت الشريحه وغيرها وضبطت السياره ,, مشيت عليها مسافة 120 كيلو بسرعه ماتتعدى 100 رجعت نفس المشكله وكلمة صاحب الورشه قال غير زيت القير يمكن برادة حديد نازله من القير ,, فعلا لقيت برادة حديد على المغنطيس

السياره نفس المشكله حتى بعد تغغير الزيت .. المشكلة الان بالقير ويحتاج توضيب كامل والدينالي تكلفة توضيبه عاليه جداد تتعدى ال 6 الاف ريال

هل التوضيب مضمون ياجماعة الخير خصوصا ان صاحب المحل يعطي ضمن من 10 ايام الى 15 يوم فحص ....

او اشتري قير كامل وهل تحل المشكله اذا ششريت القير وكم تكلفته القير بالتشليح قير دينالي 2007 وهل اليوكن يختلف قير عن موديل 2008 او 2009 او 2010 او كلها تركب طبيعي

وكم تكلفة القير اذا احد عنده خبر او يساعدني برقم تشليح

والف شكر وجزاكم الله خير ,, لاتنسوني من مشورتكم ياهل الخبره

اخوكم من الشمال / القريات