منتدى استراحات زايد - على صفحات مكشات الغلا طالت مراقيـبـه

السلام عليكم..ومسائكم جميل

اليكم هذا الجديد. والمعذرة التنسيق يدوي..

سلااااام الله على قسمٍ زبـونـه مايبي تلميح
..........يجيب الشاردة واللغز يفصفص لك تراكيبه

على الالغاز يـتـفـنـن ويرمـع لك مـع التـشـريح
..........ينومس ان رمع واليا .. يولف لغز ياطيبه

يحوف اللغز . بفـكـاره مع التـبـهـير مع التفويح
..........واليا منّه نـضـج لغـزه يحـط اللغـز ويجيبه

يقدم لغـزه في الساحة .ويصـلح وجـهته تصليح
.......... ويصـوت بالهـلا لـلقــوم ووجهٍ زان ترحيبه

يجي له هاويِ شفقان تخصص في الغطو تذبيح
..........ويـجـي له مـن خيار القـوم ذيبٍ او بعد ذيبة

الا ياقسم يجـعـنـا ..بـلا تـهمـيـش ولا تـشـبــيح
..........على صفـحـات مـكشـات الغلا طالت مراقيبه

اللغز

انا بـنشدك عن رجـلٍ توامى به هبـوب الريح
..........ولو تسكن هبوب الريح شديد الشوق يومي به

بدا مخلـوق له تسبـيـح ولكـنـه غـدا تـشـلـيـح
.......... يـغـولـونـه هـل التـصـلـيح بلاشكٍ .ولا ريبة

الى منّك قطعت الراس وشقلبته خذ التصريح
.......... يـبـان اللي قـصـدتـه عاود التفكير. وتصيبه

وسلامة روسكم :)