فزعتكم يالنشاما ... قير الفتك مشكلة
 

السلام عليكم
مساكم الله بالخير يا أعضاء مكشات الكرام......:f

عندي مشكلة بقير الفتك 2003 تماتيك, أحيانا ما يبدل السرعات بشكل مضبوط وايضا تجيه حالة خمول,, يعني مثلا جاي على سرعة ولفيت يكون القير ما يرد نمرة كأنه برابع.. والشي الثاني اذا كان الموتر بارد وشغلته وسخن اول ما امشي يكون به مثل التقطيع بعدين يروح. مادري من القير او لا.

فحصت الموتر كمبيوتر وما طلع فيه مشكلة كهرب.. يقول الفني عندك مشكلة بمخ القير يبي تغيير. ويحتاج تغيير لدعاسة البنزين اللي عند المنظم..

وزيت القير مغير له زيت تويوتا ومنظف الفلتر وماشي بعد التغيير فوق الخمسين الف. والحين ناقص شي بسيط


نبي فزعتكم يالنشاما اللي عنده خبره بأعطال القير.. والله مافيه احد بحائل يعطيك العلم الوكاد وفوق هذا نصابين يا جماعة

الله يجزاكم خير