بسم الله الرحمن الرحيم

السلام عليكم ورحمة الله وبركاته

في 14)3)2014تم الوصول للخرطوم ريحنا الجمعة ثم خمس ايام صيد وجلسنا ببيت مستاجر فيه ماء وثلاجة وفريزرتثليج طبعا شعبي بدائي وعينا خير وصدنا صيد متنوع ولذيذ وممتع ولله الحمد
اول ما تنزل توجه وقبل تطلع من المطار وانت توك واصل توجة الى مكتب المغادرة وادفع رسوم المغادرة علشان مايضيع وقتك في يوم المغادرة بالتسديد او مماطلة او تاخر السيارة بالوصول للمطار وخاصة اذا صرت ما تدفع رشاوي
ثاني شي تصريح لكل المجموعة ولا يهمك احد سوداني والا غيرة ويقولك يكفي لبعضنا وبعض مايلزم
ثالث شي سجل اسمك بالسفارة وحظورك وانصرافك واسم السوداني اللي انت متفق معه على الصيد والبنادق
رابع شي خذ شريحة جوال سوداني او زين من نفس المطار يوجد مكتب ولا تضيع الكرت المرفق ويوجد لزق مكتوب عليه رقم الجوال لزقة خلف جوالك واحسن شي كل واحد ياخذ رقم جوال وخذ ارقام ربعك وعطهم رقمك لكثرة الحاجة للتواصل الشريحة ب خمسة جنية وخذ كرتين شحن ب خمس وعشرة تكفيك لعشر ايام باذن الله وبيانات ودولي ما يفرق السعر
خامس شي خل معك رقم التذكرة لان الشنطة عليها نفس الرقم واوقف على السير وخذ اغراضك وتاكد قبل تمشي من الشنطة والاغراض واذا مستعجل ادفع لموظف السير او الحمال ويجمع شنطكم وانت مريح بس بالارقام حقت التذاكر
سادس شي الفلوس افضل تكون بالدولار واذا بغيت تصرف موظفين السفارة ارحم ويدلونك على الانسب ولا تنسى ان الصرافة يد بيد مثل بمثل للسلامة من الربى
سابع شي تاخذ رقم او رقمين من الموظفين وارقام مكاتبهم للتواصل وقت الحاجة او الاستفسار وهم يعلمونك طريقة شحن الصيد النظامي ووزنة
ثامن شي اللي اوله شرط اخره نور تعامل مع القناص بكل وضوح وشفافية واستفسر وتاكد قبل تدفع او توافق على الدفع وحدد عملة وحدة تدفع له بها دولار او ريال او جنية
ولا تلخبط بينهن مرة كذا ومرة كذا
والقناص يدفع للناس اللي يوقفون بوجهه بالنسبة للانظمة
تاسع شي لا يفوت يوم ما شبعت من الصيد انبسط وخذ كفايك ولا تسرف ولا تطمع خذ كفايك والشحن للصيد يحتاج تعلم القناص به لاجل تدفع فاتورة اغماض عيون ما ارتحت لها خوف من الرشوة (لعن الله الراشي والمرتشي والساعي بينهما)اما بالنسبة لانظمة البشر ودفع الفلوس لتجاوزها لا افتي به وكرهت ان ادفع ل ادخال الصيد وبسب ذالك لا تزال امتعتي وربعي وصيدنا محجوزة لدا مكتب الحياة البرية بمطار الخرطوم
عاشر شي احترم الناس وبتسم ابتسامه صادقة وانشر الخير فهم بلد مستعمر وفيه مذاهب وجهل فاستغل وجودك بالدعوة الى الله بالحكمة والموعظة الحسنة فانت بالنسبة لهم من احفاد الصحابة رضوان الله عليهم


والآن نحتاج واسطة يدبرنا بصيدنا وشناطنا
اذا ممكن اواللي يدلنا على احد يسنعنا المهم يا ناس حنا في ورطة
وش الراي فزعتكم يالنشاما