بسم الله الرحمن الرحيم
السلام عليكم ورحمة الله وبركاته
اخواني الكرام لدي مشكلة في مكينة يوكن 2007
تتلخص في التالي
اولا
امبير الزيت ينزل للثلث ثم اكثر ثم الصفر

ثانيا
بعدها تضيء لمبة abs ولمبة انزلاق العجلات والمحرك
ثم تخرج عبارة زيت المحرك .

ثالثا
تبدأ السيارة بالتفتفة و صوت في المكينة ثم دقة في القير

رابعا
تعود السيارة للوضع الطبيعي وكل التحذيرات تختفي

(مع العلم )
سبق ان قمت العام الماضي بتوضيب المكينة وكلفت قرابة 8000 ريال
ومشت معي تمام ثم غيرت حساس امبير الزيت .

الوضع الحالي وما قمت بهو اتعبني جداً
الله يعين ويسهل ويفرج لي وكل مسلم

ذهبت بها لميكانيكي سعودي مشهود له وشرحت له
قال اول شي نغير سيفون المكينة ( غيرته مباشره ما تغيير شي )
قال بسوي لها إصلاح طرمبة بيكلف 1200 ريال

قلت صلح الله يسهل

بعد يوم استلمت السيارة

قلت هاه بشر وش سويت

قال عملنا اصلاح لصوفة الطرمبة

اخذت السيارة والامبير على الربع ، كلمته قال خذها يومين ونشوف
رجعت بعد 10 دقايق رجعت لنفس الوضع تفتفة ولعت التحذيرات ......الخ

قال بشوفها

قلت شفها

كلمته بشر

قال جب طرمبة وجلبه ووووو

ابشر ، شريتها من التقوى بكامل اغراضها ب 540 ريال

دقيت ثاني يوم بشر

قال ما تغير شي ولا حول ولا قوة الابالله

جيت وقابلته وتأسف الرجل ان الوضع غريب والعادة هذا هو الاجراء الصحيح

خلاصة الكلام
قال بنسوي تنظيف للشخال عند ثلاجة المكينة لعل وعسى

قلت طيب

كلمته ثاني يوم بشر

قال الامبير وصل النصف وغيرنا حساس الامبير لكن ما زال الوضع ووجدنا شوي موية

قلت هلا والله يا حبيبي

المهم قال وش بتسوي

قلت بوديها لأبوجميح نحرك سوقه
وعلى وكالة الجميح
واشرح لهم الوضع

قال يومين ونطلع تقرير ( يكلف 338 تطلع تدفع اونصلح ويخصم)

حضرت لموعد التقرير

قال رح للمدير يبيك

رحت للمدير هاه هات نسمع

وانفتح ابو الشباب عندك مشكلتين
الاولى بالمكينة والثانية بالفراميل

ايوه هات نسمع

قال الحساسات abs و الانزلاق وووووو بتكلفك 2700 ريال

طيب والمكينة

قال تحتاج تغير طرمبة و حساس امبير الزيت

هنا ضحكت هههههههه

قلت من يومين مغيرها

وادق على المكانيكي واتأكد وهو يسمع قال نعم

قلت طيب والحل

قال توديها على الصيانة الرئيسية والله يعينك بيفرموك فرم


قلت كيف

قال لما بيفكوا المكينة ما رح ترجع يعني تتغير ب 23000 الف
او نسوي لك عندنا فحص ضغط الطرمبة ونشوف او نغيرها ممكن الاولى غير اصلية او خطأ في التركيب ممكن يكلفك 4000 ريال ( ما فيه الا ضرب الله يعين )

فقلت وش رأي المدير الفني للصيانة قال 50/50 ممكن تصلح وممكن لا

هنا احترت
استغرابي لماذا التحذيرات ما ولعت الا الان مع المكينة ،،، مع توقعي ان المسألة مرتبطة بالكهرب كما قرأت سابقاً
هذا ما حدث بالتفصيل الممل ،،، تحملوني

سؤالي
بماذا تنصحوني بارك الله فيكم ...