منتدى استراحات زايد - مشكلة..ولم يستطع أحد حلها إلى الآن

السلام عليكم ورحمة الله وبركاته
أسعد الله مساكم\صباحكم بكل خير
كيفكم وكيف الأهل والجماعة ان شاء الله بأفضل حال

ندخل في صلب الموضوع اخواني واعتذر ان كان طويلا بس تحملوا يجزاكم ربي خير
لدي سيارة تويوتا كراون موديل 1998 قير اتوماتيك صارلها تقريبا 4 أشهر وهي على نفس الحال لا وكالة ولا كهربائيين قدروا يشخصوا موضع الخلل.

طبعا بداية المشكلة كنت أنا سببها ... بالتحديد كنت احاول اضبط الأسلاك الخاصه بحساس الدعسة tps بشريط لاصق علشان في خلل بسيط في الأسلاك انك اول ما تلمسهم والسيارة شغاله تحصل الريس ينزل لتحت وساعات من تلمسهم تطفي السيارة
ع العموم تم ضبط الاسلاك وللعلم كنت غلطان ليش لاني جاعد اشتغل وما فصلت اصابع البطارية
المهم بعد يوم تقريبا طلعت بالسيارة والا عزمها ميت تماما...السياره فقط تغير نمرات القير على 3000 دورة فقط..الاول 3000 دوره..الثاني3000 دوره..الرابع 3000 دوره
وبشكل سريع ومتتالي وطبعا تضل ماشية ع الرابع..وحتى لو ضغطت على دواسة البنزين بشكل كامل لا ترجع النمرات للخلف..تضل ماشية على الرابع فقط..

بعدها بدت المعاناة..
فحص الكمبيوتر فقط يوضح خطأ في حساس tps
رحت للوكالة خذيت الحساس وبدلته نفس المشكلة...شخصته ف الوكالة ومع أكثر من شخص جالوا القير عندك خربان..بدلته(مرتان)(مستعمل) ولا تغيير..
بدلت كمبيوتر السيارة لوحة التحكم(مرتان)(مستعمل)...لاتغيير
غيرت sensor, knock control
ولا تغيير
شيكت ع ظفيرة السيارة وع الاسلاك اللي تخص حساس tps مع كهربائي ممتاز يجولي التوصيلة سليمة ما فيها شي...
طلبت الثروتل كاملا من اليابان وانتظرت شهر مع الحساس(وزنية الوكالة)...وغيرت الثروتل ولا في اي تغيير إطلاقا..
وللوقت الحالي...لا يوجد حل
حتى السيارة وهي واقفة وتدعس ع البنزين كاملا..فزة ومن ثم موت العزم وتغيييرات سريعة للقير عن 3000 دورة

فأتمنى منكم إبداء رأيكم وحلولكم للموضوع

رزقنا الله واياكم جنات الفردوس
معذرة على الإطالة