السلام عليكم ورحمه الله وبركاته

قصيده الشاعر الكبير بدر بن سلمان الحويفي
شاعر الطير

ياهل الولع به علم ماهـو مناجاه=من شخص وجه للنشامـا قـراره
ابيـات منـي للصقاقيـر مهـداه=تعبير شاعـر واحتـرام وقـاره
وجهتهـا للـي يريـد المجـاراه=يامرحبـا يقبـل وانـا بنتظـاره
يالربع ياكثـر الصقاقيـر كثـراه=لكـن ماكلـن يعـرف الصقـاره
خص اللذي لابرقع الطيـر سلقـاه=غشيم عرف ويدعـي بالشطـاره
الطير له ناسـن تعرفـه وتـدراه=تدريبهـم للطيـر فـن ومهـاره
واللي يصفر لاقنص مانصحنـاه=ليته عن المقنـاص عـود لـداره
خل الولع للـي مزاجـه وسيمـاه=قبل صلاه الصبح كد شـب نـاره
وليا انتبـه قـوم خويـه وقهـواه=وتغانم المقنـاص بـاول نهـاره
وحافظ على وقت الفرايض وصلاه=وعقيدته هـدي الرسـول مسـاره

وهذا رد الشاعر نايف ابو طفره على الشاعر بدر الحويفي

عـزاه ياحـال الصقاقيـر عـزاه=الوقـت غيـر يالحويفـي مسـاره
اللي يحـب الطيـر ماعـاد يبغـاه=نقله يابو سلمـان ذنـب وخسـاره
الصيد مامـن صيـد ياويـن تلقـاه=وحـده وجرتهـا عليهـا بـشـاره
راع الغنم يبلس على شـان مخبـاه=ويعوض التاجـر رصيـد التجـاره
راح الولع ياطيب الصيـت والجـاه=اقفت اضعونه مع زمـان اندثـاره
وانت تجامل غصب من دون مشهاه=طبع بدويـن مارغـب بالحضـاره
قلبك غلا القرناس بالحـب يشعـاه=تقديـر عاشـق مامشـى باحتقـاره
تبكي على وقتـن مضالـك وتنعـاه=يومـك اطلـع للحبـاري بـقـاره
لاجيت قفرن ماحـدن يابـدر جـاه=تلقـى جرايرهـن تـدك الزبـاره
واخذت عن وجه اللذي عارف اقصاه=جثل المناكب كاشفـن فـي غتـاره
افجح قصير الساق والمـدح يزهـاه=ريش الظهر خالط حمـاره شقـاره
اليا سمر قامـت اعيونـك تحـلاه=وان طار ماغيره يشوقـك اطيـاره
يوم القنص يعشق وتحمـد مزايـاه=(مركبك فـوق ولاتحـب الغمـاره)
واليـوم مالـه مزتـن لـو تمنـاه=لاعاد تبنـي يـوم غيـرك دمـاره