مشكلة ماركيز 2010 مايل !
 

سلام عليكم ورحمة الله وبركاتة
ياجماعة الخير
عندي ماركيز 2010 امريكي
شريته قبل سنة ونصف بطاقة جمركيه
وطلعت لوحاته الخ ..
يعني ماحد قد استعمله هنا
المهم
فحصت البدي فقط بالكمبيوتر وكانت نتايج قراءة الكمبيوتر
من 160-180 او 200
وطلعت تقريره بامريكا وطلع سليم من الحوادث
وقراة العداد نفسها هنا
وصاحب الموتر وراعي المعرض اخوه يحلفون انه سليم وع الشرط وتوكل ومن هالكلام
واخذته
المهم فرحت بالموتر والحمد لله اول موتر لي
وانا طالب بالجامعه والموتر شريته من حلال الوالد الله يطول لي بعمره وبعمر ابائكم جميعا
وكنت مبسوط فيه وكان نظيف جدا
واعجب الكل وكان لونه مميز
وكل من شافه قام يذكر والله
بعد ماخذته بشهر لاحظت الكفر الامامي يمين حق السواق مايل لداخل ويمسح من داخل قلنا عادي اطقم كفرات واوزن
وبعد فتره تقريبا 6 اشهر وزنته وفكوا كلبسات المقصات (كلبس الوكاله ) و وزنت المقصات
وصار بعدها ارسى بشوي بس صار يلعب فيه الهواء بالخط
قلنا ماعليه
وقبل 3 شهور واطقم كفرات صيني اي كلام مش حالك ع قد حالتي الماديه لاني طالب جامعي
وصار ماشاء الله راسي بالملفات ..
ورحت اوزن مره ثانيه قلت عشان ماتمسح الكفرات
وزن الكتروني
ويوزنها يمني الله يسامحه بس طبعا الكفر حق السواق قدر يصفره بالجهاز بس وحق الراكب يقولي انا حاط الوزنيه ع اخر شيء
وماهو راضي يصفر
قلت ماعليه وشدها وطلعت من عنده ورحت وبعدها بيومين انفرط علي المقص وصار الكفر مايل ورجع له ولقيته مو موجود ويوزنها واحد ثاني
ويشد بقوه
ومن بعدها صار الموتر بالخط يهز ويلعب يمين ويسار
قبل اسبوع
فاضي مافيني شغله
قمت امتر بين الكفر والرفرف
الكفرات الاماميه تمام
الخلفيه لاحظت الكفر اليمين حق الراكب فيه مسافه ككبيره وبينه وبين الرفرف
وحق السواق ضيقه المسافه قلت يمكن الرفرف يختلف مقاسه
واقيس من الصدام للكفر طلع العكس يعني في مشكله بالوزنيه
واطلع المعارض وشوف فوردات لقيت كلها الا قليل وزنيتها متساويه
وقعدت يومين متضايق قلت لازم اكشف وش السر وروح اشيك ع المقصات طلعت سليمه
وكلش سليم بالسياره والكل يمدح قلت تمام
وقلت ياخوي سم هاك المفتاح سوق الموتر قدامي
وخليت اخوي يسوق الموتر قدامي
وتجي هنا الصدمه العصبيه
لقيت الموتر يمشي على جنبه
وسحب ع اخوي ورجع البيت
واسألأ ناس ومنا ومنا وماقصروا معي الله يجزاهم خير
وانسدح تحت الموتر حصلت زاويه الشنطه فيها عفطه ولحام والصاجه اللي ورى الصدام فيها لحام اعتقد
هذي الزاويه اليسار
والزاويه اليمين سليمه
وافك الرفارف مافيها سمكره من داخل
والبدي سليم مافيه رش وبالتقرير مكتوب سليم
واسال منا ومنا
مافيه فايده
كشفت عليه ماحد عرف يحدد المشكله
الشاصي مو مايل ولا مبين عليه لحام او تعدل
والبدي مافيه رش
ومقصات الدفرنس سليمه
لما اوقف ورى الموتر الاحظ الكفر اليسار متقدم شوي
والكفر اليمين راجع ور كانه الدفرنس مايل يمين
ومشيت ع تراب لقيت الكفرات ماهي متطابقه
الكفرات الخلفيه بنص خط الكفرات الاماميه من اليمين
المهم
اني كرهت عمري وضايق لابعد درجه
مصدوم ماني مصدق
وعجزنا نكشف وش المشكلته
ماقول الا حسبى الله ونعم الوكيل على كل غشاش
الموتر بديه مافيه رش
ومو مبين عليه حوادث
ومع ذلك شاتل يمين
حسبى الله
ماتفسيركم ياجماعه
ادري اطلت الحديث لاكن اولله بالصدر ضيقه مايعلمها الا الله
الموتر ماقدر ابيعه لان ماراح يجيب ربع قيمته
وهذا اقل شيء بيقعد معي 5 6 سنوات
وش الحل ياجماعه
الله يجزاكم خير