ممكن استشاره بخصوص فورد كراون فكتوريا ؟
 

اسعد الله مساء الجميع بكل خير

لدى سيارة فورد كراون فكتوريا 2001 عملت لها تصفيه بجدة ثانى يوم من التصفيه رحت اشتري اغراض من السوبر ماركت اخر الليل قريب من البيت وحصلت واحد معه جيب لكزسس مسكين فاتح كبوت سيارتة ويدور احد يسوى له اشتراك قربت منه قلت امر يالحبيب تبي اشتراك قال ايه جيت ابي اشغل السيارة عيت تشتغل هههه:( الله وش السالفه المهم حسيت نفسي في موقف محرج رجعت اعتذرت منه وهو كان مقدر المهم كان معى اولادى وخلصت من البقالة ورجعت حاولت اشغلها ما اشتغلت تضرب سلف لكن ما تستمر تشتغل تولع الانوار طبيعى بس برضوة ما تشتغل ...شافنى صاحب الجيب وحلف الا يوصلنى انا واولاد البيت وماقصر وصلنا ...... رجعت بعد ساعه لها بسيارة ثانيه لقيت عند السوبر ماركت واحد عنده كراون فكتوريا قال سوى اشتراك من نفس نوعية سيارتك وماقصر جاب سيارتة واشتغلت سيارتى هههه المهم من ذاك اليوم وسيارتى مجرد اوقفها ارجع بعد ساعتين ثلاث او ثانى يوم ما تشتغل الا بعد عدة محاولات والاغلب لزم اشتراك ... طبعا ما اخبي عليكم ثانى يوم من التصفيه اكلت مطب في جدة عنيف هههه جالس اشرح بالتفصيل اى طبيب لزم تقله اى شئ ... :D

ماعلينا طبعا بعد نهاية الاجازة ودعت اهلى بجدة ومسكت خط انا وعيالي على الرياض كانت الامور طيبه جدا الى ان قربت من هضبة نجد وبداية الطلعه سبحان الله فصل معى البنزين وكان السيارة مو شغاله ياهووه مايسير كانت الساعة 2 الفجر تحسها شغاله ومو شغاله ولكن القير فاصل اخذت افضيها على وراء الين نزلت تحت بعيد عن الطريق ووقفت على جنب الطريق اتصلت على واحد من الاقارب جانى بعد ساعه دخل سيارتى شغلها اشتغلت ههههه :D مشي فيها قدام شوى تمشي رجع وراء ترجع الله :D المهم ركبت اهلى ومشيت على البيت .

الصباح يوم تشتغل ويوم لابد من اكثر من دق سلف اكثر من مره واحيانا تحلف ما تشتغل
طبعا اخر مرة رفضت رفض قاطع تشتغل حملتها على سطحة على الصناعية قال لى واحد هناك انة طرنبه البنزين خربانة لزم تغيرها قلت غيرها طبعا رفع السيارة سقط الطرنبة ومشيت طبيعى بعد اسبوع رجعت نفس الحاله طفشت منها وديتها الوعلان وليتنى ما وديتها كل شوى فتوى نغير شئ وانا اقول غير حتى السلف مافيه شئ غيروه

دلنى واحد من الزملاء على كهرباي باكستانى بالصناعية قال لزم تخلى السيارة عندى يومن قلت روح بعد يومن رجعت له قال كويس حسب كلامة انة فيه سلك تحت الظفيره مفصول مش عارف وانة صلحة ودفعت 600 ريال

بعد فتره احس المشكلة رجعت لى لكن اخف انة الصباح بالذات لما اشغل تشتغل شوى وتطفي لزم اجلس اعطيها دعس بنزين دقيقه وتستمر شغاله لكن بالحر او بعد مشوار عادى شغاله حسيت انة فيه شئ لزم يحتر عشان تشتغل ومو مظبوط :mad:

ياريت اللى عنده خبره مكيانيكة وكهرباييه يفتينى فيها وش المشكلة

وشكرا لكم :D