الفزعة يا جماااعة
 

بسم الله الرحمن الرحيم والصلاة والسلام على رسول الله النبي الكريم محمد بن عبد الله صلى الله عليه وسلم وأصحابه أجمعين ....
أخواني الكرام مشرفين وأعضاء وخاصة أهل الخبرة ;) ولا يهون الجميع
السالفة قدر الله علي بمصيبة أسمها الشيروكي والحمد لله على كل حال :D
وأنا بطبعي أحب أفك وأركب في المكينة بنفسي عندي شوي ميكانيكيا وكهرباء بسيطة يعني على قدنا لا أحد يحاول يستشير
ترى بأجيب فيه العيد :p
الزبدة كانت ترتفع معي الحرارة مع التطعيس مع انه فيه مراوح كهرباء ثنتين واحدة حقت المكيف والثانية
الظاهر يابانية 5 ريش و الرديتر كان فيه وصخ وطين خفيف في الرديتر وفكرت انظف لكن غيرت وكان ودي
برديتر فاليوم ابو رصتين لكن ما لقيت الا صيني ابو رصة وركبته وزان وضعه شوي لكن كنت ابغى اتاكد من البلف
حق الحرارة هل هو موجود او مفكوك وقلت لراعي الرديترات تأكد قال ما فيه قلت وش دراك والكوع مقفل
قال كذا ويقوم ينفخ في الهوز ويطلع الماء من الهوز الثاني بسرعة انا بصراحة فهمت وتقريبا اقتنعت انه ما فيه
بلف الحرارة ومشيت من عنده ورحت محل بابلغوم في الدمام صناعية الخضرية وهو محل ممتاز وله خبرة في الشيروكي
ويجيب قطع اصلي وامريكي أخذت من عنده بلف حرارة كابرس 160 بالوجه حقه وخذيت سيلكون اصلي مكتوب عليه 300
يقول لي أنه نوع الماني ممتاز ويوم جيت اركب البلف وفكيت الكوع لقيت البلف موجود :eek:
استغربت كيف ؟؟؟ وكيف قدر راعي الرديترات ينفخ في الهوز ويطلع الماء من الجهة الثانية :( قلت ما علينا
اهم شيء اركب البلف و بأشوف كيف يصير وضعه مع التطعيس والتفجير ولقيت مسامير الكوع اثنين قصير وطويل
المسمار الطويل ما فيه مشكلة المشكلة في الثاني لقيته مبوز و معدوم رأسه واقيت سلكون احمر توقعته نفس اللي معي لكن طلع لونه برتقالي واللي معي رصاصي ما ادري هل اذا جف بيصير برتقالي :p
ركبت البلف وركبت الوجة وشديت المسامير وشغلت الجيب ولاحظت الماء يسرب من تحت من جهة المسمار التعبان ..........
الله المستعان وافكه مرة ثانية وادور مسمار يركب ويشد صح بدون تهريبات مستقبلاً ولقيت مسمار
وجيت اركب وشديت ومع الشد انكسر مكان سنة المسمار ...لا حول ولا قوة الا بالله
هل الان ما ينفع الا المخرطة وهل بيكون فيه تهريبات مع
الوقت او احتمال ينكسر لحام المخرطة؟ ؟ .....
وارفقت الصور بعد الكسر واعذروني خليتها قصة وسالفة ولكن ابغى أوضح السالفة كلها
وارجو النصح والتوجية ولا نستغني عن الجميع بارك الله فيكم

http://store2.up-00.com/2014-03/1394736584861.jpg


http://store2.up-00.com/2014-03/1394736585012.jpg