شورو علي بسياره
 

السلام عليكم ورحمه الله وبركاته,,
انا اخوكم فهد من الكويت صارلي تقريبآ حول السنه افتر في منتداكم الي هو اكثر من رائع وجميل وصعقت بابتكارات الاعضاء ما شاء الله منتدى يمتاز بنخبه من الاعضاء الموهبين ومن لديهم خبره عريقه في السيارات ولربما افضل من المهندسين ومصنعيين السيارات أنفسهم, أتمنى لكم التوفيق .. لاكن الاحظ اغلب الابتكارات تتعلق بالاكل :D الله يحفظكم يارب

بس ايضآ لاحضت التعصب الاعمى لنوع معين من السيارات وعدم اعطاء بعض السيارات حقها... أتيت لاستشيركم في شراء سياره جديده لكن رجائآ ارجو عدم التحيز لنوع معين من السيارات.. لاخاب من استخار ولا ندم من استشار.. وانتم خير من استشير

انا رجال توني معرس وابي سياره تكد وتمد معاي سواء دوام يومي وسفر وبر
ميزانيتي 20 الف دينار اي مايعادل تقريبآ 266 الف ريال سعودي

الي في بالي:

1- جيب لكزس 2010 اشتريه حول 15 الف دينار وجدده ب 2500 - 3000 دينار لشكل 2014 سبورت الجديد؟ بس اخاف من لخرابات خصوصآ السياره راح تكون مستعمله ومن 2010... او اني ارفع الميزانيه شوي واطقلي 2012 الدرجه الثانيه ماشي 60 الف ب 21500 دينار

2- فورد ف150 رابتور اصفار واصل لي الكويت من امريكا ب 16750 دينار كويتي واستغربت عدم ذكره في منتداكم الموقر حيث انه يعتبر من افضل السيارات لل off-road

3- تويوتا اف جي وكاله الساير حولي 11500 دينار الفل اصفار والباقي احطه فجيبي

4- لاند كروزر جي اكس ار لقيت نظيف ماشي 32 الف موديل 2013 ب 15000


بيني وبينكم اللكزس والاند ماعاد يمسك سعره نفس اول فماودي اشتري وكاله اذا بشتري ودي مستعمل بس يكون نظيف بس وشرايكم؟


تقبلو خالص احترامي وتحياتي وشاركلكم