منتدى استراحات زايد - نطحت الجدار نطحتين طيبات

[color="rgb(255, 0, 255)"]

السلام عليكم ورحمة الله
ماطول عليكم ابخش بالسالفه
روحنا من مكشاتنا ونا زعلانه سوقو كل اخواني ونا ماخلوني اسوق ولاقالولي عن السبب
المهم اني مغتاضه
قلت هين والله لاسوق لو ببحة البيت
المهم خليتهم لين انشغلو في امورهم وناخذ مفتاح سيارة اخوي
والسياره ماهي تماتيك ونا الوي المفتاح وتوها بتشتغل الاهي طامره مثل الجني ولالها عن جدار المقلط وتنطحه نطحتين ونا افتح الباب وهرب
جو اخواني لم السياره وقامو ينشدون بعضهم من سوى كذا
قال اخوي الكبير هذا يمكن الهوى حذف الموتر يم الجدار وهو يناضرني بطرف عينه ونا بالدريشه اسبرهم
جاني عقب ماتفرقو وقال ليش سويتي كذا قلت وشلي خلاق تتهمني قال انعالتس يالخبلا تركتيها عند الدواسات
ونصحني وعلمني ان سبب عدم موافقتهم على اني اسوق هو عدم تولعي بالسواقه
لكني تعلمت درس ان مابه شي يصير الا ويضهره الله سبحانه

[/color]