منتدى استراحات زايد

بسم الله الرحمن الرحيم
قلت نتمشى قالت البحرترياق& & &يشقي خفوق اللي انذبح بالسهم بوق

قلت نتعشى قالت المسأله اذواق& & &احدا عشاه قلوب واحدا لحم سوق

قلت الحقيقه قالت نفاق في نفاق& & &الصدق في عنقه من المصلحه طوق

قلت التعامل قالت زحام وسباق& & &حمى المطامع بين سابق ومسبوق

قلت المصالح قالت اغراق الاسواق& & &والمسأله يامحترم لعبة السوق

قلت انظري مابينهم ود واشواق& & &قالت ورا الجدران تطرق بطاروق

شوف اخر الجيره كما كويت وعراق& & &دمع الثكالي بين شانق ومشنوق

قلت المدن قالت تناشيق الارياق& & &لاغروب تهنابه ولايفرح شروق

غابه وفيها المترس فوق الاعناق& & &هامورها يطحن ضحاياه ساحوق

عزمت ابرحل للخلا بيت ورواق& & &اشب ضوي واتبع الضان والنوق

واعيش مع بنت البدوصدق وشفاق& & &ملبوسها حشمه ومنطوقها ذوق

تزين القهوه بلاني وحراق & & &ياحلو كلمة سم وفنجانها يسوق

يطفي ملايل في الحشى وسط الاعماق& & &اباهي واسعد مع البدو واروق

الحانها السامر ليا صدرها ضاق& & &شاشاتها الافلاك نجم وبراق

خبز الحنيني والمراصيع تنذاق& & &معه الجريش اللي مع الزبد مخفوق

لابرقر لا بيك وبرست حراق& & &ولادجاج الثلج بالشرت مخنوق

يادمل كبدي من اشارات وابواق& & &من زحمة الشارع وصافق ومصفوق

ياشرح صدري من فيافي وطقطاق& & & يشبه شذى الطيب منشوق

فوقه دلال الهيل فاحت وعلاق& & & وحوله رجال للمكاشيت عشاق

مكنوزه من تمرمصابين وعذوق& & & جتنا هدية رجل تقوى وموثوق

تمرالقصيم اللي على المملكه فاق& & &من الحسى للجوف مايلحقه لحوق

عسى القصيم الغيث من برق خطاف& & &يسقي نخيله من الرمه سيل دافوق

يسعد بها البدوان مع عوج الاعناق& & & ومشملات كم لها القلب في شوق

يازين صبح البر وجلسه ومشراق& & & وصيد القماري من بحر جيل وفروق
مع تحياتي