مشكله في تبديل القير ما يقبل جي اكس ار 2010 8 سرندل
 

السلام عليكم ورحمة الله وبركاته
اخواني صبحكم الله با الخير
عندي مشكله في الا ند كروزر جي اكس ار 2010 8 سرندل تما تيك قبل يومين مسافر من الشرقيه على الرياض قلت يا ابو صالح وسع صدرك ها اليومين وتشوف ها الربيع الي يذكرونه ها العالم
لان والله ما ظن عقب ما شفت ربيع الشمال قبل اسبوع بيصير احسن منه المهم يا الربع وانا ما شي بعد جوده خسيت السياره تغير ت علي من حيث العزم وكان فيه كتمه با المكينه
قلت يمكن يحتاج تصفيه خلها لين نوصل با السلامه ونشوف لها حل اقبلت على التفتيش سعد هنا بدت المشكله عديت التفتيش قامت تقطع وكتمه وضعف عزم السياره قمت اسرق لها وادوس على الابنس على 140 واذا دعست عليه زياده حصلت انه مايقبل الدوس وكان الما كينه فاضيه لا يقبل التعشيق وفقنا الله سبحانه ووصلنا الرياض وعقب صلاة الجمعه قلت على صنا عية الخليج اول ما وصلت الا ذاك اليما ني واقف على المدخل ويعترض في وجهي قال مره عندي ادخل الورشه با علمه با السالفه قال ما نت اول واحد الرياض كله ما يصلح احد سيارته الا عندي ( والله ما نت ابسيط ) طيب المطلوب قال عطني بواجي بس واسوي لك تصفيه وتطلع تدعيلي . طيب عندك جهاز كمبيوتر يكشف لي العطل وشغل يدي فقط 450 ريال . والله ما ارتحت له قلت خلني اشوف ورشه ثا نيه المهم طحت في واحد سوري كميبوتر موجود قال ما تشوف الدعايه على مدخل الورشه فحص با الكمبيوتر قلت خير 100 ريال كشف قلنا اتكل با الله خلص قال بواجي وتصفيه شغل يدي 300 ريال جبناء البواجي 280 ريال وغيرناها والحمد لله الما كينه صفت وارتاح الموتر طيب يقبل الدوس تراه لا جيت ادعس عليه 120 مثلا ما يقبل الدعس قال الموتر ما فيه شي فيه ضعف طرنمبة البا نزين وتباء تروح بعد التصفيه توكلنا با الله ومشيناء لشرقيه وعقب ما اقبلت على الدمام الا والله الموتر ماعاد يقبل الدعس 140 ادعسله وكانه فاضي
وكل ما سالت واحد الي يقول قير والا حساسات واكثر الظن انه طرنمبة البا نزين وش رايكم
تحملوني طولت عليكم
ارجوا منكم الرد وجزاكم الله خير قبل ما اطب في ذا الورشات وانتم خا برين علمهم
اخوكم فهد