بسم الله ارحمن الرحيم

و السلام عليكم و رحمة الله وبركاته

بنات الموضوع ببالي بس الحمد لله سبحانه يسر كتابته

بس اول قولو ماشاء الله لاحول ولا قوة الا بالله العلي العظيم

انا من طبعي احب اجرب و اتعلم و عادي لو تخرب الطبخه كلها عشان تجربه سويتها

و انا اقرا موضوع لعضوه تسال وش سر حشوة ( مو صوص) السينابون الجاهز

ردو عليها البنات جزاهم الله خير لاحظت واحده جابت لنا السر المفقود

قالت مره كانت تتابع البايع مدري الطباخ الي حق السينابون حط جبنةفيلاديفيا للحشوه

وانا ما صدقت خبر لاني كنت عاجنه عجينتي لاني بسويها سينابون

وسويت بحث لاحلى صوص و طلع لي الموضوع هذا الحمد لله الله يخلي الاستغفار عجايب شفت منه الحمد لله

المهم قلت دام يحطون بالحشوه فيلاديفيا ليه ما احط شي ثاني بعد

قلت خل 1- احط كاكو و اقلل الزبده عشان لا نمتن زياده

2- ما امد الزبده بروحها كالعاده على العجينه لا اسوي خليط لين من مواد مختلفه ثم افرده

3- و الله و توكلت على الله و بربست بذيك البرابيس الحلوه قايله لكم احب التجارب

بمااننا ما ناكل بالبيت فيلاديفيا قلت مالي الا الكيري و المثلثات

جبت كيري و مثلثات و حليب مركز محلى بوني احلا و ارخص من نستله بعدين نستله يهودي

المهم قايله لكم احب التجارب ما خليت شي ما حطيته

حليب مركز عادي مو محلى ايه نسيت شسمه هذا الي حق الريحه بودره فانيلا مو سروال خخخخ

كل هالسوايل ليه عشان يصير لي مزيج و استغني عن الزبده الكثيره فاهمين فكرتي

و شوي زبده ثلث المقدار المفروض احطه و سكر بودره ماعندي اسمر

و قرفه مجدي ترا شكلها مغشوشه طعمها حيل حالي شريتها للدوره و توهقت قلت اخليها للسينابون

المقادير حبايبي بالشوف و ترا سويت كمية بسيطه مو كثيره عشان اذا فشلت تكون الخساير قليله

المقادير لكوبين طحين بس

المهم و اعجن و ذوبت كاكاو هش غندور ارخص من جالكسي ذوبت اصبعين

و عجنت و طعم الزبده متفاعل مع الكاكاو يا سيلام و الله يشهي

بس كثرت حليب بوني

المهم خلصت السر الاول او الاختراع الاول ترا يصلح اسوي كتاب على كثر اختراعاتي خخخ

الاختراع الثاني او السر الثاني

الصوص الابيض :

http://t3.gstatic.com/images?q=tbn:A...k89lMi2sM-iXMQ

ما عندي فيلاديفيا ماصارت هالجبنه بس و الله فكره الجبنه الصقت معاي حطيتها بالحشوةو بالصوص

المقادير بالشوف 2 جبنه كيري 2 مثلثات

حليب بوني المحلى مو كله سكر بودره زبده

و السر و هذا من اختراعي لا تجي واحده و تقول اعرفه ترا اذبحها

اختي كانت شارية كريم شانتيه هالي من سنة تقريبا على اساس بتسنع و تسوي حلا و ليومك هذا ما تسنعت خخخ

راحت الخبله قطتها بالحوش عاد هي موسوسة

المهم جيت السنعه انا و اخذتها و رجعتها للثلاجه

زهقت كل شوي القى الكريم هو مثل كريم دريم ويب بس ارخص

المهم كلساع اقول بستخدمه و مرت الشهور و خفت ينتهي

قلت يا الله خل ينضم للتجربه مع خوياه خخخخ

حطيت ظرف واحد الي بتزود الكمية تزود الظروف

و الله العظيم ذقت الصوص قبل لا احط الظرف حلو

بس من حطيت الظرف وااااااااااااااااااااااااااااا ااااو يا لهوي تغير الطعم

عارفين مثل طعم شنو؟

مثل كاكو كندر اولاد اللذين قبل اشتريه بس غلوه تركته

شفتو الطبقه البيضه كذا الطعم و الله على ما اقولو شهيد

و تراوالي حطو ظرف ايضا بالحشوة بيعطي طعم اروع

نص العجينه عجنتها و حشيتها و ثلجتها

و النص الثاني بالفرن بس خلو بالكم طمنو الفرن انا احترق من فوق

انطرررروها تبرد و حطو الصوص و دخلوها الثلاجه

تبون صور ايه اذا حجت البقر على قرونها

يا الله ادعو لي اتزوج و ارحم اهلي من تجاربي




المصدر : صوص السينابون