معاناتي مع الميكانيكي والفكس ار 98
 

بسم الله الرحمن الرحيم
حبيت انقل لكم تجربتي مع الفكس ار 98 (8) سلندر الي حصل انه ارتفعت حرارة الموتر مع احد الاخوان لحد انطفاء الموتر وما انتبه للحراره كونه انفك احد خراطيش الماء المهم اتصل علي وجيت ولقيت العلوم علوم ركبت الخرطوش بعد التاكد من عدم خلط الماء والزيت وشغلته الا فيه طقطقه من الجهه اليمنى مستمره اخف من صوت طقة الكرنك او السبيكه المهم قلت لازم امر ميكانيكي للاستشاره رحت عند واحد خبره قال لي هذه الطقه من احد البساتم لازم فك وتوضيب ولكن بامكانك استخدامه على هذه الحاله ورحت ثم بعد حوالي اسبوعين مريت اخر وشرحت له المشكله قال لي عندي الحل وبثلاثه الاف وكانه لم يكن نسيت اقول لكم الاول قال بيكلف اكثر من 12 الف قلت فرصه لاتفوتها وش بتسوي قال بفك الراس وبطلع البستم الخربان وبغيره باخر وبرجع الشنبر حقه وبصنفر موقع المشكله واضمنه لك شهر قلت توكلنا على الله الرجال طمع بعد ما فك غطا الراس وعمود التيمن قال بغير تكايات واطبطب واليس يطلع كويس عملت نفسي ما اعرف شي قلت نشوف لان حسب الاتفاقيه اسلم المبلغ واستلم الموتر مالي دخل في قطع الغيار ولكنه نسي انني متفق معه على فك الراسين المهم الرجال ركب تكايات وجلب بلوف لجنب واحد وطبق وشغل ولكن لازالت الطقه وزادني طقه عند التشغيل واضحه انه ما ثبت عمود التيمن زين قلت ما بستلم السياره الا حسب الاتفاقيه ورجعته يفك ولا زالت السياره عنده وشكلي والله واعلم بغير مكينه على حسابه لانه بيجيب العيد في المكينه وحبيت انقل لكم معاناتي ولي تكمله للموضوع