قير كامري أوتماتيك 2009
 

بسم الله الرحمن الرحيم


السلام عليكم ورحمة الله وبركاته

أول مشاركة لي آملاً من الله عز وجل أن أجد ما يفيدني في هذا المنتدى الرائع

بصراحة أعجبني ردود المشرفين والأعضاء على أغلب الاستفسارات وهذا ما جعلني أكتب الموضوع هنا


سيارتي كامري 2009 قيرها أوتماتيك وانا بصراحة خبرتي في العادي وأول مرة أشتري أوتماتيك


ولم أعلم أن للقير زيت يتم تغييره كل 40000 كيلومتر

ماشية سيارتي تقريباً 250000 وماغيرت زيت قيرها ولا الفلتر

وصار القير يعلق بين كل نمرة وفيه طقة إذا دقيت ريوس

المهم دخلت السيارة الوكالة وفحصها وقالي ان المشكلة داخلية وتحتاج لتغيير في كثير من القطع

وراح تكلفك ما يقارب 14000 ريال وأخذت وأعطيت معاه ونصحني اني أمر التشاليح وآخذ قير كامل

تشليح أوفرلي مادياً وأحسن من التوظيب

اتصلت بأكثر من تشليح وبصراحة هذا حيرني زيادة الأسعار متفاوتة جداً

حصلت القير عند تشليح بحائل ب5500 ريال

وتشليح بالقصيم 7500 ريال

وتشليح بالرياض 9000 ريال

وبصراحة اللي أعرفه ان المفروض يحصل العكس كل ما قربت للرياض رخص السعر

ما أدري ايش التفاوت هل هو على نظافة القير


سؤالي الموجه لكم جزاكم الله خير


أنا في حيلة من أمري ولا أدري بصراحة وش أسوي

آخذ الموتر للرياض وأدورلي ورشة مظبوطة يمكن يكون المشكلة تروس وتتغير ويظبط

والا آخذ القير من التشاليح أدور الأرخص ؟؟

بصراحة محتار وماكتبت الموضوع الا اني فعلاً محتار ومحتاج مساعدتكم

وأعلم ان أغلب سيارات الأعضاء هنا جيوب ولكن أعلم أيضاً أن أغلب الأعضاء هنا أصحاب خبرة

في مجال السيارات بشكل عام وسيفيدوني بإذن الله تعالى

أنتظر ردودكم عسى الله يحرم وجيهنا ووجيهكم على النار