بعير مجهم ذابح ولا مذبوح
 

كان عند العود بعــير مجهم ... كان هــادي جـــدا ومفكوك عشان يروح يشرب من الحاض لان اللي خربان وفاكينه وقت الصيف يروح يشرب
ثم مــر من عند غرفة متحركة على كفرات فى الموقع .
والبعير يختلف 100 درجة وقام يلتهب لوحده فجئه !!!!!
وانا ازعط امون علية ..سلااامات يافلان ولا عبرني ولاشي
ولسان حالة يقول انقلع لا اكسسسسر عضامك
ومعاد احد يقدر يقربة وتخبرون البعير ماعندة انصاف حلــول يعني مايفكك وباقي فيك عرق حياة ينبض
المهم انة سبب حالت استنفـار قصوى في المراح ويالله السلامه على الصغيرين
وماندرى ويش السالفة !!!! يمكن احد من الصغيرين ازعجة ودخل الغرفه .والا يبي احد في الغرفة (ثار قديم)
.المهم البعيرماعـاد يمكن التفاهم معة اوترجيعة خــلاص الاخلاق خـربانة عندة
ولاكن بعدالتحقق تبين لنا انة كان يشوف صورتة في قزازالغرفه العاكس ويحسبة بعير ثاني
والحين كيف نقنع البهيمه أن مافيه بعير ثاني يعني يكذب أعيونه ويصدقنا ههههههه
وتخبرون بعيرين اذا تواجهو لازم اتذابحون يا ذابح ولا مذبوح
ويالله السلامه منه ويالله يالربع بسرعه فكو الدرايش نزلوها عشان يرتاح ويصدق ان مافية بعير ثاني .. لايكسر نفسه ويكسر الغرفه
والحمد لله تداركنا الوضع وهجد البعير وقلنا له خلاص البعير الثاني هرب وماعاد يشوفه
والحين كل مافكيناه راح يشيك عند الغرفة يدور البعيـر الثاني الى شافة هنيا هههههه