|
قصتي مع اختي والوالده وترى حبل الكذب قصير السلام عليكم ورحمة الله وبركاته اخواني واخواتي وهذا اللي طلبتي ا وعدتك يامشرفتنا قوافي ولى يهونون الباقين القصه هاذي حصلت اول سنه صمته والله ياجماعه ياهي حر يشوي العصفور حتى مافيه مكيفات ولاثلاجات الا وحده عندنا على الفحم وتبريد مثل قلته جابه واحد من قرابتنا من الرياض والله مادري ولا وشلون تفتح ولا فيه الا عطي الله الزير اللي تحت هاك العشه البارده اللي عند مصب المكينه ويجي الحضار رشق ماء مع الهواء وباردة يالله من فضلك والزير ابرد وكانت الواده الله يطول بعمره تجيب لي تونه وش انتي يالريو ماري ولا التندرينا تطق لهن باصبع الا وهي التونه الصفرا الاوله لا واذا صار مرسوم علي علب فلفل حمر وخبز فران اه ياناس تقل قاعدن على مفطح والوالده الله يخليه تجيب لي هالتونه وتقولي اذا صمت كل يوم اعطيك وحده تونه عند السحور كله تبي تساعدن اني اصوم وتعودن على الصبر جربت اول يوم وعطتن التونه ياربيه واكله الى هالحين اذكر طعمه ويطلع الصبح الى هالحين ونا رجل يوم ارتفعت الشمس شوي يوم يبست كبدي من العطش حررررررررررررررموووووت ياربيه وش ازين قلت ابروح اسبح بالبوري حق المكينه اللي يصب ابرد و قبل ماصل ومر من عند اللي قلتلكم العشه وشوف الزير قلت بنفسي لاياولد صايم لا تسوي كذا وجي اباروح يوم دريت وتلفتت رقبتي لحاله وعيوني تناظر هالزير وقرب على شوي شوي يوم لمست الزير يالله من فضلك وسوي نفسي مادريت واخذ الطاسه وملاه واشرب لحد ما طق بطني واروح والعب مع ربعي وتردد على هالزير يوم جازلتي الدعوي تونه وماء بارد ولعب وين ذا فيه الوالده ماجازله هالنشاط وهالتركيض وتسأل اخت لي اصغر من وكانت هالاخت وده تسويبي اي شي لاني دايم قاهره المرا د على العويده وروح للعشه يوم مليت الطاسه ابا قولبه مادريت الا اللي يقول اه هاه تشرب من الزير والله لاقول لامي قلت يابنت الحلال اصبري والكذبه والمه لاتضلمينن ياولك من الله ( الله اكبر طلع الدين وخوفك من الله يالفسقان) الماء اللي معي تراه لفراخة الدجاج شوفي المساكين وشلون هاجاتن اثامهن من العطش قلت اعطيهن ما بارد اكسب اجرهن (ياشيخ ماتخلي عنك الكذب الله اكبر مايشربن الا من الزبر) المراد صارت اذكى من قالت خلاص ان اباروح احسبك تشرب من الزير على طول قلت اعوذ بالله الله لايقوله:good2::good2: اثره راحت وتغبت ونا مانتظرت على طول ولب الطاسه يوم دريت واثره وراي قالت للفراخه هاه هالحين اوريك عند امي :eek::eek::eek: يالله الدبره وش اسوي :(:(:( وتجين هاك الفكره واركض الى وسط المزرعه ليش علشان اعطش ومباشره ودورلي هاك النخله ونا ونسدح تحته ومسك لساني وكره بطرف ثوبي لين صار تقل عظم يابس ونشف براطمي ( هاذي تحتاج ترجمه يعني شفايفي ) لين غدت تقل فرش ملح واخذ ماء شوي من البركه وحط على صدر ثوبي ورش على وجهي شوي هذا عرق وكل هالمشهد علشان لو جت امي تشوف اني نيم وعرقان والعرق واصلن صدري اوجهي تصدق اني صايم وهذا الدليل والله لو طاحين بي حقين هولي وود هاك الوقت ان ياخذونن من بعيد اشوف الوالده ومعه اختي هالحروشه والوالده تهدد وتوعد ويوم وصلت نادتن ؟؟؟؟؟ مرتين وقوم يالله افتح اعيوني (يعني اني ) قلت سمي يومه وشف فيه قالت وشف فيه وراك تشرب من الزير ياهالفسقان وتكذب علي تقول انك صايم قلت من اللي يقوله قالت اختك هي اللي شايفك ونت تشرب قلت لاتصدقينه تراه تكذب عليك قالت وش يثبت لي قلت ماتشوفين يمه ناظري لساني قالت طلعه وجي وطلع لساني وثره تقل ظهر ضب يابس زين اللي ما انكسر وتناظر براطمي قالت اي والله وليدي صادق وتجي تلتفت على اختي قالت هين دواك عندي وتمسكه مع جديلته وتجره وتقفي هي وياه ونا اطلع لساني شمت باختي واللي تتسويبه امي به مادريت ان حبل الكذب قصير وعلى العويده مستامن وروح للعشه وملى الطويسه واشربه وملاه ثانيه ومثل يوم دريت قالت الوالده تبي ثالثه بعد يوم وقف الدم بعروقي قلت خلاص التوبه قالت التوبه هين المراد اني حصلت على عقاب رادع الى هالحين مانسيته بس ماراح اقوله لكم لانه يفشل وتحياتي للجميع |
| الساعة الآن 07:05 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir