منتدى استراحات زايد - سالفة:عصير منجا قها..قوافي

https://encrypted-tbn3.gstatic.com/i...uN_Eem6Bt9R1e1

اخواني اخواتي

السلام عليكم ورحمة الله وبركاته

اسعد الله صباحكم /مسائكم بكل خير

من الذكريات الجميله من السنين الماضيات عصير منجا قها..

،،،،،،،،،،،،،،

https://encrypted-tbn1.gstatic.com/i..._t0AfxBdd7Pwng

،،،،،،،،،،،،،،،،،،،

وحنا صغار بعمر ست وسبع سنين لين جانا لو صداع مانصدق على الله ماناكل عشان يشرون لنا عصير منجا قها مثل جاك يامهنا ماتمنا..

وتخبرون اول الناس الحال مب هاك الزود والربع يطلع بحسر وشلون عصير بنص ريال..

عاد اللوز كانت تصبح وتمسي ما يمدي الواحد يشوي إلا ويمرض وأحيانن مرض سواليف لين ابطينا عن العصير واستلم من التشكي..

كنت مبتليه باللوز ولين جت الوالده الله يحفظها ويطول عمرها جمبي تنشد:

هاه وشلونتس ياقوافي؟؟ :(:(

اقول حتى لو ان التعب شوي :

يمه حلقي :(:( مع شوية كحه لزوم التبهير..

جزاء الوالدين على الله ،،تبدى تبين سندويش تبين وتبين وانا لا لا لا لين ناصل للمنجا :eek::eek:

تشري لي وهي شي خاص للمريض همن اكشخ بالقوطي قدام اخواني واشرب واتمطط وعيونهم علي وانا يا ارض ماعليتس مثلي أحد ،،معي منجا قها:D:D

وبتلت انا واخواني وكل صغير اعرفه على هالحال مع العزيزه قها ،،وبمره قالت الوالده للوالد :

لازم نودي قوافي كل شوي تجيه لوز :eek::eek:

من بكره رحنا للشميسي قال الدكتور:

داللوز عوزه عمليه بئئرب فرصه

وبكره الساعه 10 الصبح موعدنا نشيل اللوز:eek::eek:

أفا ياذا العلم

ويوم وصلنا البيت وانا اوريهم اني نشيطه لا لوز ولا ركب ابي افتك وتعشيت معهم ولا فادت السالفه ومن صبح الله وانا صافه بالشميسي والساعه 12 ونص صحيت من البنج وكلش رايح وطي لا عادت على قوطي المنجا..

بعد كم يوم طلعت للبيت واول ما وصلت التفت على امي يماه يووووه

لا تشرين منجا مابي

(أخاف يشيلون أذاني هالمره)

تحياتي وتقديري واحترامي

..قوافي..