![]() |
مساحات تاهو ltz الخلفيه لاتعمل .. افيدوني تعبت السلام عليكم .. كيفكم شباب .. انا مشكلتي مع مساحات التاهو الخلفيه ماتعمل نهائيا حتى ماترش المويه .. عموما انا رحت للكهربائي وقال لي انه الدينمو عطلان .. ورحت للوكاله وقلت عطني دينمو وقال لي سعره بـ 1000 ريال وشوي .. انا بغيت انجلط .. قال لي حق المبيعات بالوكاله انه غريب الدينمو يخرب .. تأكد فيه شي ثاني خربان حساس او فيوز .. رجعت للكهربائي قلت له هالكلام والكهربائي راكب راسه يقول تعلمني شغلي .. الخراب من الدينمو جبه .. وانا خليت الموضوع الين رحت للتشليح كان عندي قطعه بجيبها وسعرت الدينمو ولقيته بـ 200 ريال فكه لي من 2011 .. ورحت به للكهرباائي اللي قال لي انه دينمو وركبه ولا اشتغلت .. دور الفلبيني ماعاد تلقاه .. قال لي خلاص انا هنا ماعاد اقدر افيدك بشي .. رح لغيري .. عاد انا قمت وريشت به وقلت له انت مهندس كبير وريشت به شف العله .. وخليت الموتر عنده ومشيت .. يوم رجعت قال الحساس زين .. والفيوزات زينه .. المشكله ياتكون من العصا يا المنظم حق المساحات .. وان شاء الله ان العصا مافيها شي .. جب لي منظم .. انا توني طالع من الورشه ولا ادري والله وش اسوي .. اذا فيه احد مرت عليه هالمشكله واالا يدلني كهربائي صاحي .. او احد يقول لي اذا كلامه منطقي أو لا .. شكرا لكم ... |
| الساعة الآن 02:11 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir