حل مشكلة عطل الدبل في الاف جي 2008 اتمنى التثبيت للأهمية
 

السلام عليكم ورحمة الله وبركاته
هذا اول موضوع لي في المنتدى حبيت الكل يستفيد منه:good2:

اول شي احكي لكم القصة بأختصار

بدأت لمبة الدبل الخضراء في الطبلون ما عاد تولع وباقي اللمبات العادية منها لمبة الدفلوك وو تولع
سألت ناس وشباب طيبين شرواكم عن اللمبه وليش ما تولع كثير اجتهدوا وقالوا يمكن حساس الدبل وعادي لا تهتم طالما الدبل يشتغل معاك طبعا ما كنت ادري ان الدبل يشتغل اول لا خصوصا اني اذا عشقت الدبل على الثقيل احس ان الموتر يفز او ينهض قلت عادي ما تهم اللمبه بعدين اشوف له حل..:D
مالكم بالطويلة رحت للبر مشخص بموتري :D اول ما دخلت الرمل غرز عشقت الدبل عيا يطلع الموتر الكفرات الخلفيه تور لكن الامامية ما تدور عرفت ان الدبل ما يشتغل نسمت له واااااااجد ويالله طلع بعد ما رجعت رحت للصناعية عند واحد متخصص دفرنسات ودبل فحص الموتر قال الدبل ما يشتغل:eek::cool::cool::cool: قلت طيب والحل ..؟

قال عندك دينمو الدبل خربان وهذا عيب مصنعي اذا بتصلحه عندي شغل يد250 ريال والدينمو قيمته حدود 800ريال
وانا راح افك الدينمو اللي عندك وممكن اني اصلحه اذا الخراب في الدينمو الداخلي اما اذا كانت التروس البلاستيكية متكسره و خربانه يبيلك واحد جديد :mad:
قلت فكه
المهم بعد ما فكه من السيارة مدري وش طلع فيه هل هي التروس او الدينمو الداخلي

قالي عندي دينمو دبل كامل انا مصلحه بعطيك اياه مع شغل اليد كامل 500 ريال او اعطيك واحد جديد وكاله مع شغل اليد واخذ حقك ب750 قلت خذه

المهم ركب دينمو الدبل الوكاله واخذ حقي القديم وشيكت عليه تمام اللهم لك الحمد والشكر حاسبته 750ريال وتوكلت على الله :good2:

طبعا الورشة اسمها ورشة العتيبي في الصناعية القديمة (صناعية طريق الخرج)
للمعلومية الشغله بسيييييييييطة جدا والله لو عارفها كان سويتها بيدي
اول شي تفك الصاجة اللي تحت الدبل بتبين عندك القطعه مباشرة
طبعا القطعه حجم كف اليد لها اربع مسامير متعلقه في جانب الدبل لها فيش كهرب وبس والله حرام ياخذون عليها 250 ريال شغل يد لكن اللي يجهل الشي ما يعرف يثمنها وعشان كذا طرح لكم الموضوع تستفيدون منه وتدعون لي بظهر الغيب


وهذي الصور

هذا الموتر مرفوع على الرافعه
http://im32.gulfup.com/mvCj8.jpg


وهذي القطعه غير واضحه قبل الفك
http://im32.gulfup.com/jWvIG.jpg

بعد فك الدينمو نزل زيت الدبل
http://im32.gulfup.com/Y1s3A.jpg


وهذي هي القطعه على الارض
http://im32.gulfup.com/GbUvc.jpg

http://im32.gulfup.com/MksZI.jpg


وهذي هي القطعه باينه نظيفه بعد التركيب
http://im32.gulfup.com/Oxc99.jpg


اذا خلصنا نشبك فيش الكهرب ونعبي زيت الدبل ونقفل الصره ونركب الصاجه ونتوكل على الله

طبعا الحمد لله رجعت اللمبه الخضراء ولعت وبدأ يعشق الدبل تمام باقي نجربه بالنفود
ودعواتكم :good2::good2::good2: