منتدى استراحات زايد

السلام عليكم ورحمة الله وبركاته
قصص الحب موجوده في كل مكان بعضها ينجح ويتكلل بالزواج
والاخر يفشل ويبقى الم الذكريات
هذه هي اول روايه لي واتمنى ان تنال اعجابكم

لحظـــة خيــــال

نبــــــــــدأ
البارت الاول
:انتي شتقولين انا اتزوج محمد شنو ينيت انا
عهود: عنودوه صلي على النبي شفيه محمد ما شاء الله ادب واخلاق وكل بنات عماني يتمنونه
عنود: بنات عمانج مو انا، خلهم ياخونه حلال عليهم انا ماااااابيه شفيكم انتوا عصب هو
عهود: وانتي شفيج معصبه علي روحي قولي حق ابوي
عنود وشوي بتبجي: اي بقول انتوا شفيكم علي ما ابيه والله ما ابيه، وبجت حست انها ما تقدر تسوي شي ما تقدر ترفضه وهم ما تبي احد يمشي رايه عليها
عهود: عنوده حبيبتي ما تدرين يمكن محمد خيره لج اهدي حبيبتي عشاني، ضمت عنود تخفف عنها وبداخلها تحترق، يارب ادري اللي افكر في غلط بس انا حبيت محمد وتمنيته بيوم لي بس اذا اهو من نصيب اختي عسى الله يوفقهم ويهنيهم يارب الله يهداج بس ،،
______________________________

بمكان ثاني في بيت بومحمد
يبه تعتقد بترضه
بو محمد: وليش ما ترضه يا يبه انت خوش ريـال و لا قبل هذا ولد عمها
محمد: بعد يبه ما تدري يمكن اصلا ما تبيني
بومحمد: اللي الله كاتبه لك بيصير يا محمد
والله ما يندره فيج يا عنود بترضين لو لاء ينخاف منج والله ، محمد يدري انه عنود ما تدانيه بس اهو من كثر ما يحب عمه جابر وعشان يكون اقرب منه فكر يتزوج وحده من بناته..
محمد: يلا يالغالي استأذن انا عيل
بومحمد: الله ايسر امورك يا وليدي وعسى الرحمن يسهل دربك
محمد وهو قايم باس راس ابوه: تسلم يالغالي،، مع السلامه

طلع من دار ابوه وراح داره وعقله يشتغل،، انا ليش طلبت عنود وانا ادري انها ما تحبني ولا تدانيني ،، انا قاعد اعاندها يعني بس انا ادمر نفسي هذا زواج مو لعبه ياربي انا شسويت بس،، نفض راسه من الافكار اللي فيه وتعوذ من الشيطان دخل داره وسكر الباب خذ الروب وخذله شاور عالسريع

_________________________________

يــــــــــمه
ام جاسم: ها ها يمه شفيج
نوره: يمه ما جفتي طقمي الالماس
ام جاسم: اي طقم يمه انتي عندج 3 اي واحد فيهم
نوره والدموع بعيونها: يمه وين طقمي الي فيه فيروز احمر
ام جاسم: نوير دوري في اغراضج شوفي وين قاطته
نوره: يمه شفيج اقولج ضايع
ام جاسم: نوره يمه شفيج خرفتي انتي الطقم ماعطته اختج يا حظي اول امس حق ملجه رفيجتكم
نوره:اي صج نسيت استغفر الله
ام جاسم: لا حول ولا قوة الا بالله هاذي وعمرج 22 وتنسين لي وصلتي 30 شبيصير فيج
نوره: يمه خلاص عاد بروح اشوفه

_________________________________

عنود يالسه في الصاله وتفرر بالقنوات من قناه لي قناه والمخ بعيد ابد مومعاها،، رن تلفون البيت واهنيه وعت وقامت ترد
: الو
محمد: السلام عليكم
عنود: عليكم السلام
من الصوت محمد حس انها عنود بس يبي ياكد من غير ما يذكر الاسم: هلا اشلونج
عنود هم شكت ان هو ودرت ان مو متاكد لان ماذكر الاسم فتعمدت ترد عليه عالقد: تمام
محمد: عمي وينه موجود
ضحكت عنود بخاطرها شفيه هذا ين ما يعرف يركب جمله : موجود
محمد لا حلفي بس: ناديه
عنود قهرها واهي اكره ما عندها احد يتامر عليها فردت من دون تفكير: لا والله اشتغل عندك انا
محمد ضحك بصوت اخجلها وقهرها بنفس الوقت
عنود: عفوا قلت شي غلط انا
محمد: سلامتج الا قلتي الشي الصح بصراحه كنت مستغرب ان انتي تكلميني بهذرابه
عنود:والله نفس الاحساس
انقهر محمد من ردها وسكت
استانست عنود عرفت انها قهرته وردت: see you czn bye
وسكرت الخط
تفاجأ محمد شفيها ذي شهالوقاحه لين تزوجنه شلون راح ترد لكن هين يا عنودوه هين صبرج علي بس
عنود حاسه انها مسويه انجاز تستاهل عشان ما تخفف دمك علي مو بنت جابر يا محمد اللي تطنز عليها هين يا محمد..
محمد عصب من تصرف عنود: هند هندووه وينج
هند: هلا محمد
محمد: عطيني رقم عنود
هند: نعم نعم لا اسمحلي ما اقدر تره ليحين ما عرستوا شفيك
محمد والشرار يطلع من عيونه وبصراح: اقولج عطيني الرقم
هند ردت على وراها من الخوف: محمد صل على النبي ما يصير اعطيك
محمد واهو يحاول اهدي اعصابه: بتعطيني الطيب لو اخذه بالقوه
هند: محمـــد
محمد وهو يفتح تلفونه: جم الرقم
طبعا هند خافت من اخوها لان تدري اذا عصب ايده تسبقه فعطته الرقم،، محمد سجل الرقم : مشكوره طلعي وسكري الباب
هند: حاضر
محمد: هنـــد اعتقد ماله داعي اقولج ان الموضوع بينه
هند كان موعاجبها الوضع : درينه حاضر
محمد: سكري الباب وراج

_________________________________
توقعون شاللي راح يصير
محمد شلون راح تكون ردة فعله ؟؟
وعنود بتوافق على محمد ؟؟
بنتظار تفاعلكم معاي ........
_________________________________