|
( جرحه سطى بالقلب ) قصيده من كلماااتيه اتريا الردووود حيااااكم والله والله كم أصرخ وأناديله والدمع عيا يداري ثورة أشجاني جرحه سطى بالقلب لكن ويش اسويله دامه بقلبي الوحيد وما معه ثاني أشيل همه وهمي محدن يشيله وأسري بليلن طويلن كله أحزاني هذا الهوى ياناس وهذي تعاليله من حب لازم يذوق المر ويعاني ياويل خلي من الله منه ياويله وشلون يهجر فؤادي ويتحداني مشيت دربه (بصعبه وبتساهيله لا ماشكيت الحال لكن هجره ابكاني قل اتصاله ولا جتني مراسيله وشب بخفوقي من أجله حر نيراني يطلب عيوني وأقول ابشر وكلي له ليته يضحي بعمره لو على شاني شوقن بصدري غمرني صعب تأجيله والعقل من زود الهجر جاه نقصاني طيفه ينام بعيوني ويصحى كل ليله ويفز قلبي ليا بالحلم ناداني سلامتكم والسموحه عالقصوور واتريا ردودكم أختكم : منصوريه قمر |
ما شاء الله عليج عيني عليج بارده القصيده ما فيها حيله والله غاويه من اولها لاخرها وما ينقصها الا تتغنى بياض ويه اختي وصح اله السانج ملايين وربي يسعدج دنيا واخره ويشيل عن قلبج الهم اللهم امين تقبلي مروري المتواضع وجل تقديري لك انـ،،،ـان |
تسلم أخويه عالمرور والرد اللي كله ذوق :ast7eee: والسموحه عالقصور أختك منصوريه قمر |
وااااااو ماشاء الله عليج عيني عليج باردة يسلمووو ع القصيدة الحلوة ونتريا New |
مشكوووره أختيه عالرد الطيب |
| الساعة الآن 02:34 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir