قصيدة نصح للشاعر /جايز بن نوار الحازمي
 

السلام عليكم ورحمة الله وبركاته

بسم الله الرحمن الرحيم

اقدم لكم هذه القصيده المتواضعه واتمنى تحوز على رضاكم



بديت وبّدايت سلامي على رضاك


ياواحدن كل البشر لايذه فيك


انت الغفور وسطوتك تقهر عداك


وانت الرحيم وتغفر لعبد ناصيك


ومن بعدها يهاجسي حط معناك


واضرب على جزل المعاني مباديك


يمحمد اسمع وانتبه لا عدمناك


هاك الكلام اللي من الراس ناصيك


الرفقه الرفقه ترى علمها جاك


صاحب فهيم الراي تسعد خطاويك


واحذر ترافق واحد(ن) فاشل انهاك


الشخص الاجرب دايرالحول يعديك


ولاتجحد المعروف حذراك حذراك


رد الجميل ومجزي الخلق يعطيك


ولاجاك محتاجن تنهض بيمناك


قدمله المقسوم ياخوك ناخيك


مايضيع شي (ن)تبذله عند مولاك


الله على فعلك يزيديك ويغنيك


وافطن من اللي حكيهم كنها اشواك


هراجت النمه سوات الصعاليك


من جابلك حكين ترى زان مرماك


بكرى يتلك بالخلا ثم يرميك


والجار يمحمد ترفقبه ارجاك


حقن عليك تصون جارن يواليك


الجار مهما صار لو كان يشناك


قدمله الحسنى عسى الله يخليك


ولاشفتلك جمعن تواليه شرباك


خلك بعيد(ن) لايجي عفن يبليك


الا الدخيل اليازبن داخل حماك


زبن دخيلك لاتردى وانا اخيك


ونهاية الموضوع بنك الفكر حاك


وقدمت لك ماطاب مني على شيك