( باستا يم يم تري ) اقتراحاتكم توقعاتكم و آرائكم و نصائحكم .
 

السلام عليكم و رحمة الله و بركاته

هاالأيام جاي في بالي باستا عادة اذا اروح يم يم تري اطلبها بشروط عشان اكيف عليها و اني اكلها ( لازم تكون بيضاء وايت صوص و دبل جيز كمية جبن مضاعفة مع خضروات بدون سجق ومع دجاج و مو سبايسي )

و شفت كذا طريقة في الملتقى اهني و في مواقع ثانيه و اخذت من كل طريقة المكونات اللي عجبتني و ألفت الطبخه عى كيفي فحبيت اعرضها عليكم قبل لا اجربها عشان اعرف آرائكم و اقتراحاتكم و نصائحكم .

المكونات :
صدر دجاج كبير مقطع مربعات صغيره - كيس معكرونة - مشروم طازج ( المعلبات ما تصلح ؟ الطازج و ين أحصله )- كوسا مقطع شرائح طولية متوسطة الحجم - فلفل بارد فليفله مقطع شرائح طولية متوسطة الحجم - بروكلي مقطع شرائح طولية متوسطة الحجم - أجينو موتو - جبنة الموزاريلا ( جبنة بوك مالت البيتزا اوكي ) - جبن البارميزان ( شنو يطلع هالجبن ووين أحصله )- ماجي ( ضروري استخدمه أو ممكن استغني عنه ؟ بصل وثوم ( شنو المقدار الا استخدمه و الثوم و البصل ضروري او اقدر استغني عنه ).

مكونات الوايت صوص :
ربع كأس حليب ( حليب السعودية السائل يصلح ؟ بعض الطرق كاتبين اربع ملاعق حليب بودرة اي واحد أحسن ) - ماء ( ايصير ازيد الحليب و الغي الماء ؟ ) - قشطة ( استخدم قشطة كي دي دي الصغير أو الكبير و كم واحد - 4 مكعبات جبن كيري ( بعض الطرق مكتوب جبن كاسات كأس واحد صغير أي واحد افضل استخدم الكاسات او الكيري ؟ ) كريمة حامضة أو كريمة الخفق ( بعض الطرق كاتبين يستخدمون الكريمة الحامضة أو كريمة الخفق أتصور لو استخدمتها راح استغني اما عن الحليب أو عن الجبن أو عن القشطة انتو شنو رايكم ) 4 ملاعق طحين ( ضروري هذا او اقدر استغني عنه ؟ )

انتو شرايكم ابي طريقه مثاليه لصوص الأبيض احب الباستا البيضا ما احب المكس او الحمرا :corkysm ابي طريقه مثاليه لباستا مثاليه :blabla: