|
كلمات لشاب يائس ما طلع اسمه بمشروع جداره للخرجين بغزه جدارة : وأنا جبت شهادتي بعد التعب بجدارة وصار لي سنين بدون شغل ولا تجارة قاعد سواق فرشة ما معي حق سيجارة وما ف البيت بندورة ولا حتى لو خيارة وما في كلام غير راحت وإجت بنت الجارة كبر فينا العمر وماتت في الجسم الحرارة وياما إشتغلنا في الرمل وإشتغلنا ع الحمارة يا خسارة الشهادة والرسوم ومبروك يا نوارة كل ألف خريج حطوا شهاداتهم ف شكارة وقالوا خليكوا ع الدور لما تفقع المرارة فقعت من زمان يا أخ وأخذت كل الشطارة وأهلي صاروا يكرهوني وزادت الدشارة ومو ناقص غير الكل يجروا وراي بزُمارة شو أعمل أنا يا ناس دلوني يا أولاد الحارة خريج صار لي زمان ونفسي أعبي إستمارة تنقذني من الموت والهم والأيام الدوارة وفجأة طلع خبر وأعلنت عنه الوزارة بدهم 10.000 خريج لبرنامج جدارة فرحت وقلبي طار ورفرف مثل الطيارة حتى لو بطالة مو مشكلة المهم بدنا نلبس نظارة بدنا نصير بشر ونفرّح الختيارة سجلنا وقلنا يا رب تصيدنا السنارة خلينا نخطب ونتجوز ونكيد أخوها لسارة وإنتظرنا النتيجة وقاعدين بإنتظار الإشارة ونزلت الأسماء أخيراً وإقتربت البشارة لكن ما إلي حظ وما طلع إسمي يا خسارة مكتوب علي الهم وأعيش العمر ف مغارة لا فيها حد يحاكيني ولا حتى فيها إنارة ممنوع أحلم في زوجة ولا بيت ولا عمارة ولا أولاد يسلوني ولا حتى سيارة مغلوب على أمري والحالة محتارة إعتمادي على الكريم مش عليك يا "جدارة |
| الساعة الآن 05:15 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir