تابع لمشكله في دعسه البنزين
 

السلام عليكم





السياره فتك 2006 تماتيك
اليوم وانا جاي من الدوام اسرعت شوي يوم وصلت 160 ومير يكتم الموتر والدعسه صار به ثقل يعني ادعس لأخر البنص يالله يستجيب الموتر وياصل 100 واشتغلت لمبة المكينه
وقفت على يمين وطفيته وصبرت 5 دقايق وشغلته وزان الحمد لله لكن قبل اسبوعين حدثت معي نفس المشكله وطفيته لكن لم يشتغل مره ثانيه وسحبناه للصناعيه وقال الكربائي الدنمو ممتاز المشكله يقول من البطاريه وغيرته جديده ولكن اللي اثار خوفي رجعت المشكله اليوم وانا رجال اتردد يوميا بطريق بعيد عن الديره اخاف يطفابي بمقطعه وانا ما افهم في الميكانيكا واخاف ينهبونن الصناعيه
فا تكفون شوركم وش المشكله والحل الله لايهينكم يا الربع .





هذا موضوعي قبل اسبوع ونص تقريبن اليوم حصلت نفس المشكله الدعسه صارت ماتستجيب يعني الموتر حده مايتعدا 40

المهم اني مريت ورشه قبل مايفحصه وكل شي قال عندك دعسه البنزين خربانه اللي تجي حول خرطوش القربه قلت له وش يدريك قال انا عارف ومير اتركه خبركم دعسه البنزين غاليه ولا ودي اتوهقبه
واروح لم ورشه ثانيه قال افحصه وانا بعنيزة ماعندنا ورشه يعني تذكر بالفحص وانا ماودي اخسر 100 على الفاضي وانا اكلم الهندي جاء لمي زبون بنفس الورشه قال فيه واحد يفحص زين ببريده اسم ورشته العثيم ووصفلي مكانه ؟

وش رايكم هل الورشه ذي ممتازه واذا حولكم رقمه لاهنتو
ارجو الرد عاجل لأن مامعي الا الموتر ذا وانا اداوم بعيد وبكرا وودي اصلحه