للمرة الثالثة والاخيرة. مشكة التقطيع بكل النمر.فتك2004 مع صوت رمي بالشكمان
 

مسيكم بالخير يالربع.
هذي اخر محاولة للمرة الثالثة والاخيرة وبعدها ابخليه فتك 2004 قير عادي. مشكة التقطيع ببداية كل تعشيقة مع كل النمر وايضا" مع صوت رمي بالشكمان حتى لو كان واقف...

حتى الورش وبالتحديد الورشة اللي اتعامل معهم وممتاتزين جدا"...تعبوا وملوا من سيارتي... ونصحوني بالجابر؟؟

صلحنا وحاولنا بكل شي يقريبا"... بس التقطيع (او ممكن تكون تفتفة) مع بداية كل تعشيقة تقريبا" 5 الى 7 ثواني وبعدها يروح التقطيع وتنطلق الى ابي الى 210 بدون اي مشاكل او حرارة او اعطال او تحذيرات...

اللي عملنا له هو التالي:

1. البداية كانت قبل سنة ونص تقريبا" طلع صوت تكتكة فقط ومشيت عادي الى قبل شهرين بدأ ترتفع الحرارة وبعد التشييك على جهاز التبريد كامل اتضح انه من رأس المكينة...الماء خالط مع الزيت...ويطلع مع الشكمان ماء قليل ودخان ابيض...

فكينا الراس قبل شهر ولقينا عدد 2 تكاية خربان وغيرناهن مع عمود تيمن جديد لأنه كان به كسر وايضا" جنزير جديد ومسح للرأس...وقالوا تحتاج شمبر واضح...بس رفضت...

المهم... بعد تطبيق الرأس...

صار بع صوت تكتكة خفيف جدا"...والحرارة ممتازة...وجربت على سفر الى الشمال اربع مرات بالشهر هذا حول ال8000 كيلو مع التكييف ممتازة ومع السرعة فوق ال140 تنقص تقريبا" نص علبة سوبر جي تي... سرعة 130 الى 120 ماينقص.

المهم...
الحين يوجد صوت خفيف قرقشة خفيفة جدا" بعد تتبع هذا الصوت بدقة داخل الكرتير بكل اسف... (غلطة عمري كأنه احد سحرني وقال لي خل ورشة الباترول التر :mad::confused:بالصناعية القديمة) يصلحونا؟؟!! حاسوها حوس واخذوا بلف الحرارة والزين ناقص علبة اثناء استلام السيارة وانواع الاصوات طلعت بالسيور والشكمان والدينوا خربوه وصلحت والبكرات وغيره ...يقولوا يالله حابنا تقريبا" 5000 وكأنهم بشكل مقصود او علني مايرحبون بالزباين او ماادري المهم تعاملهم (اقصد السوداني وول سميث والبنقالي به قلة احترام؟؟بس الغلط غلطي انا الغبي اللي جيتهم بنفسي مع ان سمعتهم سيئة جدا" جدا" جدا" (معلومة الزبون الجديد يتجمعون عليه كلهم وكأنه صيدة؟؟!!)...للحمد لله على كل حال (افكر بجدية اقدم شكوى رسمية عليهم مع الاثباتات وش رايكم؟)... بس صلحتها كلها الى مشكلة التقطيع (تفتفة) فقط ببداية كل تعشيقة؟؟؟؟ عجزنا نحدد مشكلتها للأسف...؟؟؟!!!:confused:

القطع كلها وكالة اصلي مع فنيين محترفين وشغلهم مضمون.
1. طرمبة بانزين 350 ريال مع الشغل 100 ريال
2. صفاية مع الشغل 70 ريال.
3. شكمان (اجتهاد مني قلت يمكن هو الشبب) بـ 1800 ريال مع عمود مستعمل مضمون ب800 ريال وقزوز بــ 1300 ريال.
4. حساس هواء مع قربة بــ 1750 ريال مع فلتر هواء وقربة مع التشييك كامل بحول ال300 ريال
5. بواجي غير اللي قبل شهر مغيرهن عند باترول اثنا فك الرأس لأني مااثق بشغلهم. ب250 تقريبا" مع كويلات الواحد بـــ 230 تقريبا" وتنظيف ثروتل واشياء اخرى...

ولكن بلا فائدة...


الملاحظات:

الضغط على الشخطة الثالثة قبل الواحد...بس كل عشر ثواني تبدأ هزة ورعشة بالسيارة وكأنه تبي تطفي وينزل الضغط قليلا" مليمتر واحد لمدة 10 ثواني ويرجع طبيعي ...

(اثناء الهزة الشمكان يرمي)...والكمبيوتر ماطلع شي سليم!!


الورشة قالوا لي... يمكن منظم الهواء اللي شابك على الثلاجة به خلل او ان اللي فكوا الرأس ماظبطوا البلوف والتكيات والجنزير...(يوجد صوت خفيف مثل ماقلت قرقشة خفيف جدا" مايلاحظ الى لما ادعس وهي واقفة...)

اللي يبي يتبرع ويشوفه جاهز...ابخليه كذا...قهر افك مرة ثانية الراس ويمكن تكلف الاف؟؟؟

شوروا علي ياجماعة الخير...بارك الله فيكم... ماودي اخسر السيارة من افضل مااستخدمت بالطريق والبر والصحراء...

وشكرا...