|
كان عنواننا مافيه غير كب وتكسير رحله مع الشقاوه والفسق له دواء اخواني وأخواتي السلام عليكم ورحمة الله وبركاته استأذنت من أخي وصديقي القريب جدا الى قلبي ابو محمد البارحه ان اكتب قصة واحده من من قصصنا ايام الشقاوه وكلما قلت له هاذي قال لا طيب هاذي القصه ايضالا قلتله يابو محمد اختر انت وبعد جهد جهيد اتفقنا على هذه القصة التي ارجو من الله ان تنال استحسانكم وأذواقكم وباقول لكم شي تري ابومحمد هالشقي وهذا سر بيني وبينكم وادري انه اذا قرا المكتوب مادري وش يبي يسوي هو وكبل وزاره ولاكنه من الناس الذين صدقو مع الله ومع مسؤليهم العذر على المقدمه الطويله كنا انا وابو محمد اشطن عيال بالحاره ولا فيه واحد الا وتوذى منا كبير او صغير تصدقون حتى عزكم الله الحيوانات ماسلمت واذا شفنا احدن راكب حمار عندنا كنه عيد نلحقه ونغزززززز الحمار الى ان ينكر ويجدع صاحبه واللي هو شايل بالارض وما ودي اقول واجد عن اللي نسوي والا الموضوع يبي يطول المراد يوم من الايام ملينا من كل شي كل شي سويناه نبي شي جديد نبي شيء فيه مغامره واظن هاذي اللي جابت العيد على روسنا كان فيه راعي مزرعه وعنده بيدجان (باذنجان)مايوصف ومبطخ ويبي كل يوم يدخل للسوق بشوي يترزق الله قمنا من الشقاوه وأكلناه والله ياجماعه اننا بس نهنشه ونجدعه من الفسق درى الفلاح وطردنا وهاشنا وتوعد انه يعلم ابواننا. فذهبنا للمزارع الثاني اما هذا لحاله كان فيه له معياره اذا قلناه له لحقنا من المزرعه الى وسط الحاره ثم انتفرق ابوحمد مع جهه ونا مع جهه همن مايدري من يلحق ثم يرجع المسكين للمزرعه ومايمديه يجلس الا حنا معاودين الكره ويوروح يومه المسكين الحق لاتلحق وموذينه الى اخر درجه وقالنا مره يجيبكم الله هين وتشوفون اللي عندي.......... قلنا له ايه هين بس قلنا لأنفسنا نبي روح لابو فلان وهذا في تقديري الخاص انه من اخطر المزارعين على وجه الارض طبعا بالخشونه والصلافه وعدم الرحمه. كان عنده شجرة تفاح عربي صغيرات وتطلع كل سنه وكانت مميزه وطعمه مره زين لاكن قدامه هالأسد اللي لو يمسك تخيلو معي وهذا كله حصلي و اخوي ابو محمد 1-يدقك الين يغشي عليك 2-يكرف ايدك بجذع النخله 3- يحط ايدك على خرزه (حصاة دائريه تستخدم لبناء الاعمدة) ثم يجيب كربه ويرضح اصابعك على الخرزه المراد غامرنا وكانت شجره كبيره جدا وتسلقنا وعادة اللي فوق هو المستوي وبينما نحن ناكل والظاهر اننا نسينا انفسنا شوي واذا بصاحب المزرعه يقول ماشاء الله مشاء الله اقول وراي مادخلت للسوق بشي واثركم انتم اللي اكلينه انزلو والله لاربي بكم الجن والله ماخفنا بحياتنا اكثر من هالموقف فأخذ يرمينا بالحجاره ويحاول بعسيب طويل انه يسقطنا لاكنه عجز وتعرفون اللي خايف الظاهر انه تعب جلس تحت النخله المجاوره للتفاحه ونادى على اولاده الصغار الى والله يوم جاابوله الغداء تمر ولبن يوم الصراحه زاد خوفنا ونظر الينا وقال وهو يتبسم قال ابو محمد كوده يشرق ( صح يابو محمد)قلت امين بس هو يقبل الدعاء من فساقا قال والله لو تقعدون الى الصبح قاعد قاعد لكم لو اقطعه نازلين نازلين اسكتنا وقامت الركيبات ترقل الرجال اللي تحتنا خثر مع البين والضليل الزوين والبارد يوم نام وقمنا نسمع شخيره لانه نايم وهو مرتكي على النخله شوي اشوي يوم انسلح ونام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ابومحمد وش الدبره قال مادري بس اللي يهج الاول ترى ماله رفيق يعني الهجه ولا عليك من رفيقك قلتله طيب الكلام واشلون نبي ننزل قل هاه اصبر(((((( خل نطب على بطنه همن يبلش ونهج حنا ونسلم ))))) لقيته فكره زينه لاكن الله يستر وشوي شوي ونتولم والله ونطب انا على مكان ؟؟؟؟؟؟؟؟ وابو محمد على كبده والله يوم رشق اللبن مع خشمه يوم قام يصيح طول بطنه أي ي ي ي ياويليه يابطنيه وابو محمد يقولي اسرع لاتاقف الا بيتكم اثر الرجال عورناه بلحيل واخذوه الجماعه ماكان فيه الا مستشفي مثل قلته وقعد 15 يوم وطلع لاكن يوم طلع مهب اسد اظنه ديناصور ويدورنا لانه يعرف وجيهنا لاكن مايعر من حنا عياله وحنا ولا حركه بالبيت والله مانطلع ابد واسبوع كامل وحنا ماطلعنا:(:(:(:(:( تقل استامنا شوي قلنا والله ان التفاح زين غدينا ناخذ اللي تحت طايح بالارض ونهج بسرعه قال ابو محمد والله انك ذيب ( اية ذيب الميعاد قدام يافساقا) رحنا والى والله التفاح واجد بالارض نفخت صدري وقلت لبو محمد ماقلتلك اني ذيبان وابو محمد مايرد وارده عليه مره ثانيه وانا مطنبس القط من هالخير قلتله اصقه انت ماتسمع رد علي واحد خشن صوته مخيف قال ( ترى الفسق له دواء) يوم والله ابي رجلينن تشيلن تقل ماهناش وعيونك ماتشوف الا النور والله يادقونا دق شيء ماينوصف حتى اني تعرضت للعض ومعين( مع راسي ايه مع راسي عمركم سمعتو بعضه مع الراس )لا وازيدكم من الشعر بيت يوم اطلقونا قمنا نركض من غير وعي ومن غير هادي ونطيح بخلية نحل يوم غدة علينا سحابة نحل وتسيل علينابرديه من لسعات النحل بكل مكان وصار الواحد منا ماتدري وجه مقبل والا مقفي من قرصات النحل والورام والعذر والسموحه على الاطاله وارجو اتنال اعجابكم وصابر بالحق يابو محمد وابشر باللى تبيه وتحياتي للجميع |
| الساعة الآن 09:00 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir