منتدى استراحات زايد - اتمنى من الجميع الدخول والإفادة

السلام عليكم ورحمة الله وبركاته
الحمد لله والصلاة والسلام على رسول الله وبعد ...

يا مشرفينا الكرام اتمنى اني ما اكون مخطئ في اختيار القسم .
لآني حبيت استفسر عن صندوق البريد .. انا اليوم رحت لبنك الراجحي وصااااااف طابور من بدري :D واخذت لي رقم لأني ابغى افتح حساب مع العلم انهم يوميا ما يفتحوا حسابات إلا لـ 10 اشخاص فقط .

لما جاء دوري قالي الموظف عطني الهوية والرسالة اللي جتك على الجوال !!
قلت له ماجاني رساله :eek: !!
قال ماسجلت عن طريق النت ؟
قلت له حاولت لكن يطلب صندوق بريد وانا ماعندي وطلبت ناس من اقاربي لكن ما عندهم لأنهم فاتحين حساباتهم من زمان قبل ما يطبقوا النظام هذا . وحاولت ادخل ارقام عشوائية ولا قبل معاي.

قال ما اقدر افيدك بشيء لازم تسجل عن طريق النت واكتب لهم اي بريد تلقاه مكتوب على المعكرونة او اللبن المهم اي بريد .

عاد مشيت من عنده ورحت البيت وجربت صندوق بريد شركة المراعي وشركة المعكرونة ومعجون الطماطم والجبنه والقشطه والعسل حتى التايد والكلوركس ولا قبل معاي شي .:confused::confused:

وش السواه يا شباب ؟؟
يعني لازم اروح البريد السعودي وافتح لي صندوق بريد وادفع 100 ؟؟؟

ياليت تفيدوني حتى لو تفزعوا لي بأرقامكم البريده :D لأني محتاج افتح حساب قبل يوم الأثنين

آآآآآآآسف على الإطاة ودمتم بود