تهريب زيت من وين تتوقع و السبب
 

سلام عليكم و رحمة الله و بركاته

عندي السيارة قبل 5 أو 6 شهور صيخت الرديتر و كان فيه تهريب مع الغطاء و غيرته و السيارة طفت و أنا ماشي و بعد الفحص سووا اللي كل ورشة تسويه فلاتر و بواجي و غيروا حساس نسيت اسمه(مو أنا اللي راح الورشة)

قبل 3 أيام السيارة طفت و أنا ماشي أو بالأصح مع أخوي و الحرارة ارتفعت غطاء الرديتر حاولت افتحه(بعد ما بردت السيارة) ما قدرته مصلب و الرديتر فاضي و عبيته من قربة الماء الفايض

وش سبب التهريب مع إني وديتها لمحل رديترات قبل 5 شهور و الليات ما فيها شيء و الماء المعبئ هو أتوقع موتور كرافت (السيارة ما كانت معي) و سبب طفية السيارة

الشيء الأهم هو لقيت تهريب زيت تحت السيارة و الزيت جديد و طلع زيت المكينة(وقفت السيارة أكثر من يوم) و أنا مغير الزيت قبل 5 أو 4 أيام يوم السبت قلت يمكن السيفون مو مشدود صح و بعد ما نزلت الحفرة مع البنشري التهريب بعيد عن السيفون يقول بين القير و المكينة يمكن صوفة و شفت زي التروس جاي عليها زيت أتوقع مجرى التهريب و نسيت اذكر ولعت لمبة علبة زيت و جنبها مفتاح و هي للزيت بس تدل على نقص أو عطل ميكانيكي
السؤال ما هو العطل و كم التكلفة و هل الشغلة صعبة و يبغالها وقت
الشيء الثاني السيارة أتوقع تاخذ 7 علب مع السيفون لكن أعبي لها 6.5 لإني أشوف 7 كثير و اللي أعرفه الزيت الأفضل ينقص ولا يزيد و نوع الزيت 30-10 و الزيت أغيره على 3000 و كل 1000 أعايره و أتوقع ما فيه نقص لإن معياره قصير مو زي الصابونة أو الجمس
السيارة اشتريتها قبل سنة و أربع شهور و سويت لها غسيل آخر شعبان اللي فات (أتوقع هو سبب المشكلة) لإن المزيون الثاني (كابرس 93) سويت له غسيل و صار يهرب بس كنت قبلها أعبي له زيت زيادة بالغلط و صار يهرب و يا زينه ما هو معقد و اللي ساق الصابونة ما يدور غيرها(91-93)

السيارة بليزر 2006 و ممشاها ذحين 178000