|
طراد الدرازي ...(تقرير حادث)... حسبي الله و نعم الوكيل السلام عليكم و رحمة الله و بركاته .. صباح الخير للجميع .. قدر الله و ما شاء فعل .. و الحمد لله على كل حال .. و حسبي الله و نعم الوكيل ..على جشع التجار و التلاعب بأرواح الناس .. و كذلك تنبيه و تحذير البحاره و المخاطر التي قد توجههم داخل البحر و أخذ الحيطه و خصوصا في القياده ليلا. ما اقول الا حسبي الله و نعم الوكيل .. طرادات الدرازي كتب عنها مهندس عبدالله .. و جزاه الله خير و قال الحقيقه فيها و ان شفت الموضوع و تحطمت بس كان من بعد شرائي للطراد .. و ما توقعت انها بكون بهذي الصناعه الرديئه و الجوده الضعيفه و لا يوجد في تركيبه البدن اي سلامه و معرض للغرق .. كتبت هذا الموضوع ليس من اجل تشهير بهذا المصنع.. كتبها من اجل حفظ الأرواح و أخذ الحيطه و العبره من تجربه شاء الله ان نخرج منها بسلام .. الحمد لله. و كذلك تنبيه و تحذير أصحاب القوارب و المخاطر التي قد توجههم داخل البحر و أخذ الحيطه و خصوصا في القياده ليلا. تبدأ القصه من 5 شهور .. وقتها كنت ابحث عن طراد يكون اجد من الطراد الموجود عندي، و نصحوني بعض الشباب بتفصيله الدرازي 25 قدم، في شهر ذو الحجه 1434 حصلت لي على واحد كان لأحد اخوياي في نفس الفرضه، مديل القرف 2011 درازي مقاس 25 و كان مجهز كامل .. و الحمد لله تم الشراء في 14 محرم 1435 و تم تخليص اجراءات الرخصه و تبدل الأسم .. في يوم الجمعه تاريخ 25 محرم قررت النزول فيه. و كان النزل الساعه 2 الظهر من فرضة الفناتير الشماليه في الجبيل الصناعيه .. و الحمد لله كان كل شيئ جيد الجو و الصيد. الساعه 7 و نص ليلا قررنا العوده الى الفرضه و كنا في منطقه نطلق عليها الدورق، و كان البحر هادئ و كانت سرعتي بين 28 الى 30 كم في الساعه .. و بحكم ان التاريخ كان نهايه الشهر و ما في ضوء قمر.. كانت ليله مظلمه.. اثناء ابحاري لمحت طراد امامي مباشره و كان جد قريب مني يعني لو بقدر المسافه ما راح تتجاوز 10 متر بيننا . حاولت بقدر الأستطاعه تفاديه و تجنبه بالألتفاف أقصى جهه اليمين و لكن قرب المسافه بيننا كانت قريبه جدا .. حدث التصادم بيننا .. كنا معي 4 اشخاص و انا خامسهم .. الله ارد بهم السلامه لانهم وقت الأبحار حسوا بالبرد و جلسو ببطن الطراد و تجمعوا بالوسط.لأن لو كان فيهم احد جالس جهة اليسار اتوقع كان تأثر من جهه التصادم .. بعد التصادم و الربكه صرت اتفقد اللي صار للي معاي و اتفقد الطراد .. الحمد لله اللي معاي بحكم انهم جلسو في الوسط ما تأثروت بشي ... انا الوحيد اللي معي الحادث انجرحت ركبتي بسيط من أثر اصطدامها بالكبينه. بالنسبه للطراد نتج عنه و شق كبير من الجاني الأيسر بطوول 3 متر وكسر داخلي ادى الى تسرب الماي داخل الطراد بكميه كبيره، كانت ماكينتين على طرادنا وحده طفت و الثانيه شغاله حاولت وقتها اشغل الثانيه بس ما في فايده .. اللتففت بطرادي و حركه بتجاه الطراد الاخ عشان اشوف وش صار للطراد الثاني و بصعوبه شفناه بسبب لونه المايل الى اللون الرمادي . كان طراد روضان دوسري قديم لصيادين و عليه 3 اشخاص من الجنسيه الهنديه .. حاولت اتفاهم معهم و اعرف انهم بخير .. طلعوا ما يعرفون لا عربي ولا انجليزي.. من خبرتي بالبحر و ملاحظتي لهم انهم ما زاولو يسحبون في قراقيرهم من المويه عرفت ان طراده ما جاه شيئ و خصوصا ان طرادي القديم نفس هذي التفصيله و اعرف زين قوة بدن طرادهم .. حاولت افهمهم بالأشاره ان طرادنا بغرق و اني راح اوقف عند المنصه النفطيه القريبه منهم عشان يجون لنا .. بس ما شكلهم فهموا .. او انهم مشغولين بسحب قراقيره و هذا اللي لاحظته.. اللي معاي من خوفهم كانوا ناوين يقفزون الى الطراد الثاني خوف من غرق الطراد بسبب الكميه الكبير اللي تدخل الى داخل الطراد.. و الحمد لله كانت في منصه نفطيه قريبه منا تبعد 700 متر و اعرفها زين و اعرف ان فيها سلم يمكن ان احنا نصعد منه و بحكم ان عندي ماكينه تشتغل حركت بتجاهها و وصلنا عندها و تعاونا كلنا و ربطنا مقدمه الطراد في المنصه و شلنا الاغراض اللي قدرنا عليها قبل ما يغرق .. خلال 7 دقايق دخل المويه الى كامل الطراد و تشقلب الطراد و ظل خشمه فقط على المويه .. لحظتها التقطنا صور لها قبل ما يتشقلب و هذي لحظت دخول المويه له و بدايه الشقلبه و هنا باين الكسر في الجنب الأيسر اللي أدى الى الغرق و هذي بعد ما استقر في المويه و لاحظوا انه مربوط بحبل متين من مقدمه الطراد و هذا خلاه يما يغرق اكثر لحظات و غرق الطراد و نحن مذهولين من المشهد و نقول هذا قدر الله و حمد الله ان ما غرقنا معه .. المنطقه تبعد تقريبا 20 كم من الفرضه ... و حمد الله كان فيها ابراج .. اتصلنا بحرس الحدود و تم التبليغ.. و اتصلت بصاحبي و اخوي الكبير النوخذه ابو راشد .. هذا الرجال ما اقدر اوفي حقه .. جا مع طراد حرس الحدود و كلم ابو مبارك واحد من اخوينا عشان يجي بطراده العود و يسحب الطراد الطبعان .. و حمد الله تم وصلهم و ركبنا في دوريه حرس الحدود .. و بالطراد الثاني حاولنا نسحب الطراد المكسور من عند المنصه النفطيه .. سحبناه لمده قصيره و كان المشي جدا بطي و السبب ان طرادي المكسور ما تشقلب و رجع لوضعه الطبيعي .. صار صحه حيل بطي .. بعد ساعه من المشي و متابعه الطراد .. وقفنا و حطينا بويات ( علامات على الطراد) لان سحب الطراد راح يأخذ وقت طويل و المسافه اطول و قررنا تركه الى اليوم الثاني. يتبع الرجاء عدم الرد حتي اكتمال الموضوع |
| الساعة الآن 06:19 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir