قصيدة تغني عن اي كتاب (علم الفلك) ثويني ذعار ####
 

الشاعر/ثويني ذعار السمي البقمي ,قصيده شاملة وكاملة للانواء والطوالع تتطرق ل 360 يوم بالتفصيل

#poem_52d9a7fd80c98 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} قال السمي ياسامعيني صلوا على النبي الهادي المامور الف عليه من الصلاه وآله اعداد ماطار بسماه طيور ومن بعدها بكتب كلام يثمن وبين الرجال الطيبين يدور مثايل يفخر بها من يعدها وتبقى ولو غبنا وفات عصور ان كان ابو زيد الهلالي هلالي انا سمي ولا علي قصور اختار من خير المعاني جزالهن من هاجس بين الضلوع يفور خمسة عشر عاما وانا النوم حاربه كأني جريح وفالعضام كسور كم فات من يوم كسبنا معارفه ونكتب بما جاد الفواد سطور كان الخلاوي قال بالوقت قالته علم الفلك عندي وانا الدكتور واحد شهر واحد فرنجي من السنه الماء يلوذ وفالعدود يغور للمربعانية مضى كم ليله عشرين مع ستة ليال جور ومن بعدهن عشر وثلاث ايضا وتبداء بنجم الشبط سقم الخور فيها الرياح من الشمال تلوفك ومن شدها مايجبر المكسور ومن مطلعه ستة وعشرين ليله للحبحبه فيها تبث بذور ومن بعدها تسعة وثلاثين ليله ليال العقارب علمها مخبور ونجم العقارب والثلاث نجومه وبالذابح اولهن تحوم نسور هزل الدواب تموت به من برودته والذيب هداته على المقهور وفيه الصقور تبيض وتلقى بيضها ويلقح نخيل الوادي الممطور وفيها الرياح من الجنوب الشرقي وبليلها لا تأمن المسعور وسعد بلع تالي نجوم الشتاء باع العباة اللي بها مغرور ومن بعدها سعد السعود يبشر يبداء الربيع وللنبات زهور فيه يتساوى الليل ويا نهاره وفجره ونيس يغرد العصفور ومن بعدها نجم الحميمين يأتي نجم تهاجر في سماه طيور في حسبته سته وعشرين ليله الاخبيه والمقدم المذكور ويبيض الثعبان ويحط بيضه وتشوف للثعبان بعض سبور وياتي الذراعين اللي تفيد امطاره سحبه مناشيها بعال بحور في حسبته سته وعشرين ليله هواه غرب وللجنوب يدور به يحصدون البن من كل شجره ونجم الثريا فالشمال يغور وتبداء به الكنه ويبداء دخولها عشرين مع عشرين حر وجور وفيها الثريا والنجوم الثلاثة شرطين وبطين وثرياء النور ثرياء دخول الصيف بأول ليالها صلف هواها والغبار يثور عشر وثلاث ايام حسبة نجومها ونجومها كاللولوء المنثور ومن بعدها نجم التويبع يطلع دبر الثرياء كأنه المجرور عشر وثلاث ايام قبل الجوزاء يفقد ورقها مادة اليخضور ومن بعدها الجوزاء لهايب سمومها يحن الجمل من مابها من جور يحسب لها ستة وعشرين ليله تشوف البلح من بعدها منشور ومن بعدها المرزم يشع بنوره راعي النخل من طلعها مسرور وجات المجرة فوق سر النائم وشرب السواخن وقتها محذور عشر وثلاث ايام حسبة نجومه وبمثله لنجم الكليبين الدور نجم تخف به الهبايب وتستكن وفيه الزواحف يزبنن جحور وبعده ظهور سهيل نجم لامع منه الجمل يهدر وراء المظهور وتباشروا بسهيل في كل ديره ويأتي السحاب من الجنوب عبور وكلن يشوف الزود في جم بيره وعيال الثعالب كأنهن نمور خمسين ليلة مع ثلاثة ليالي وحسابته مايخلفون الشور تالي نجوم الصيف بأول نجومه علم يثبت للرجال دهور وبعده بنجم الوسم للخير بشرو ونوه حميد بقدرة المشكور يومين مع خمسين ليله نعدها عواء وسماك وغفر او غفور واخر نجوم الوسم نجم الزبانا طلع الزبيدي باخره مشهور وختامها ياسامعيني صلوا على النبي الهادي المأمور