منتدى استراحات زايد - مشكله عجيبه غريبه في سيارتي اليوكن 2011 ورسالة " تم خفض طاقة المحرك "

السلام عليكم

هذا اول موضوع لي في منتديات مكشات وان شاء الله الاقي حل لهالمشكلة اللي جننتني وطلعت الشيب براسي :looney::looney:

سيارتي يوكن دبل 2011 والعداد 123 الف والسيارة ماشيه على جدول الصيانة الدورية عند الوكيل ولا عمري وديتها عند بنشري او ورشه غير الوكيل ( عندي ضمان ممدد عشان كذا لسا ماشي على الصيانة ) ، والمشكلة بالتفصيل الممل هي :

قبل شهر تقريبا كنت ماشي بالسيارة ( داخل الحي ) على سرعة 30 كلم تقريبا او اقل وفجأة جات رسالة " جهاز الثبات مطفأ " STABLITRAK OFF وبعدها مباشره جت رسالة تم خفض طاقة المحرك "ENGINE POWER IS REDUCED " وعلى طول طفت السيارة ووقفت على جنب وجتني رسالتين ورا بعض
الرساله الاولى : SERVICE STABLITRAK " يجب تصليح جهاز الثبات "
الرساله الثانية : SERVICE TRACTION CONTROL " يجب تصليح جهاز تماسك العجلات بالأرض "

حاولت اشغل السياره مارضت تشتغل ، يعني مافيه ستجابه ابدا من السيارة ، وخليتها تقريبا لمدة 3 دقايق واشتغلت بس لمبة المكينة كانت شغاله
رجعت البيت وبعد 6 ساعات شغلتها اشتغلت بدون مشاكل وحتى ان اللمبة حقت المكينة اختفت ، طبعا انا قلت يمكن مشكله عابره ومارح ترجع

لكن تفاجأت بعد يومين لما وقفت عند الإشارة وحطيت السيارة على P ان المشكلة رجعت وطفت السياره وجتني نفس الرسايل بالضبط وما اشتغل الموتر الا بعد ثلاث دقايق او اقل شوي

وصرت على هالحال ، كل يومين او ثلاث ايام ترجع المشكله ، لكن في اليومين اللي مرت صارت تجيني اكثر ، رحت للوكاله وكلمت الفني وقال خلينا نسويلها فحص 120 الف ( لاني لسا ماسويته ) وهو فحص كامل وممكن تروح المشكله لانهم رح يغيروا البواجي و يعملوا تنظيف للثروتل و ايضا تنظيف للبخاخات وقال برضو رح نفحص نظام الفرامل عندك ونشوف اذا فيه مشاكل او لا
المهم بعد ماسويت الفحص حسيت اداء السيارة تحسن وقلت يمكن راحت المشكلة ولكن للاسف اليوم الثاني رجعت نفس المشكله مرتين ، وكل المرتين السياره كانت واقفه وفي وضع التشغيل .

ملخص المشكله :

1- السيارة انطفت فجأه وتجيني ثلاث رسايل مختلفة .
2- السيارة انطفت وهي في وضع الحركة وايضا في وضع الوقوف وتتكرر اكثر لما تكون واقفه في وضع التشغيل .
3- تم تنظيف الثروتل والبخاخات وتغيير زيت القير وكامل فحص ال 120 الف ( نفس فحص 60 الف ) ومازالت المشكلة موجوده
مرفق صور توضح الرسايل اللي جتني ( الرسايل باللغه الانجليزيه لاني حولت نظام الطبلون للانجليزي عشان يفهمها فني الوكاله ) .

هذي صور للرسايل اللي جتني

http://www.m5zn.com/newuploads/2014/...d888a6738a.jpg

http://www.m5zn.com/newuploads/2014/...b821a92743.jpg

http://www.m5zn.com/newuploads/2014/...37c675d1dc.jpg

http://www.m5zn.com/newuploads/2014/...6d7ccb1f4d.jpg

وهذي روابط الصور السابقه

http://www.m5zn.com/newuploads/2014/...d888a6738a.jpg

http://www.m5zn.com/newuploads/2014/...b821a92743.jpg

http://www.m5zn.com/newuploads/2014/...37c675d1dc.jpg

http://www.m5zn.com/newuploads/2014/...6d7ccb1f4d.jpg

بالتوفيق للجميع