منتدى استراحات زايد - ابصرت نور العشق من عقب ظلمه ..

السلام عليكم ورحمه الله وبركاته ..
شحالكم كلن بحاله ربكم الا بخير وسهاله ..
اعزائي الاعضاء والقراء .. حبيت اطرح روايتيه ما بقول الاولى .
. ولكنها الاقرب الي والى احرفي المنبثقه .. هذه الروايه تجسد احداث من الواقع
ولابد من ربط الخيال قليلا.. ولكني كتبتها لتلامس مشاعركم .. وتفيض بها الى الخيال الواقعي ..
للعلم .. بان الخواطر والاشعار من كلماتي ..

الجزء الاول ..#

تحت هذه الشجره الوافره ..
اجلس وبحوزتي قلمي وكراستي
لست ادرس ولكني ادون ما مضى
من ذكرياتي في هذه الصفحات الفارغه
وربما فراغ هذه الصفحات هو جزء من فراغ
حياتي من وجود اشخاص لطالما حلمت ان يكونوا
قربي وحولي ولكن البعض ابعدهم القدر اما البعض
الاخر فهم تركوني لاصارع احزان العمر لوحدي
ومن دون انيس ولا ونيس يشاطرني هذه الاحزان
والاوهام العارمه التي تكتض بها حياتي البريئه

الدماني يالسه فالحوي وتدون الي يدور فخاطرها .. وتظهر حرتها وضيقها وهمها وكدرها كله فالدفتر الي معاها

اعرفكم عليها ..
الدماني .. بنت في الثامنه عشر من عمرها .. خلصت الثنويه بنسبه 97.4 وقدمت اوراقها فجامعه خليفه .. بس لسوؤ الحظ يدتها ما وافقت انها تدرس في هالجامعه بحكم خوفها عليها ولنها مختلطه .. المهم .. الدماني لاهي طويله ولا قصيره .. طولها ما يتعدا 155 .. حنطاويه .. ملامحها جامحه وبريئه وغامضه في بعض الاوقات .. باقي الصفات بنتعرف عليها في احداث الروايه ..

في صباح هادي وسماء صافيه لاتكتض بالغيوم ولا الاشعه القويه ..
نزلت الدماني من الطابق الثاني لن عندها مقابله فالجامعه ..

اليده : يا حي الله هالشوف زين يا اميه يوم نزلتي كنت بصعد لج وبستعيلج ..
الدماني : وبج حي ومرحب يدوه .. زانت ايامج عيوزي .. افا يدووه انتي بجلاله قدرج تصعدين اليه فوق لا حشى ما سويتيها ولا تسوينها ياويلج مني .. هيه صح نسيت صبحج الله بالخير يا اغلى من في هالوجود يا اجمل نساء الارض
يا ... يت بتكمل
يدوه : هييهات يالكذووب ادريبها هالرمسه وراها شي اخلصي ..
الدماني : هههههههه حرام علييج يدوه ليش تعامليني بهالقسوه اصلا ما بقولج كلام حلو مره ثانيه على الصبح ..
يدوه : شو تبين يالعياره شو وراه هالمغازل على الصبح ..
الدماني : والله والله والله يدوه ما وراه شي .. بس حبيت اغازل يدتيه قبل لا اسير المقابله فديت ويهج الي نسيت ملامحه من هالبرقع ... عقيه خليني اشوف ويهج الغاوي .. وملامحج الجميله ..
يدوه : امففف عليج شو تبيني اعق البرقع .. هذا ناموس الحرمه هيه اميه ما نعقه نحن الا وقت الرقاد شو من مذهب هذا عليج تبين تفصخيني ..

الدماني : الله واكبر يدوه الحين صار تفصيخ هههه الا هو برقع .. انزين ابغي اشوف ويهج قبل لا اسير ..
ييدوه : بتبطين عظم ما شفتي ويهي يالخامه نشي نشي سيري مقابلتج الحينه لا تتحيرين عليهم خلاف يقبضونج الباب
الدماني : يخسوون ما يرومون وانا بنت سعيد
يدوه : زين يا بنت سعيد نشي نشي وتوكلي على الجامعه مالتج مادري المدرسه يالله اميه دهديه
الدماني : ان شاء الله غناتي بسسرح الحينه .. شي تامريني فيه يا تاج راسي .
اليده : لا فديتج ما ابغي شي تحملي وبعمرج وخلي الدريول يخف من السرعه اشوفه انا من كم يوم يطير بالموتر عنبو ذاك الويه له اسود الويه .. ما يحشم بغى ينفد بي وانا سارحه العزبه بيدخلنا فالشبوك
الدماني: هههههههههههههههههههههه يدووووه حرام عليج والله ما يسرع الا انتي تبينه يمشي ع دوبه كلتي الريال .. ما عليج انا بكلمه وبخليه يخف شويه من سرعته .. كله ولا زعلج يالغاليه .. يالله فديتج فمان الله لقانا الظهر .. ولا تنسين تاخذين دواج يدوه

اليده : ان شاء الله اميه باخذه ما عليج امبونها هالسستر مقذتني .. يالله ربيه يحفظج ياربيه وفالج التوفيق ان شاء الله
الدماني : ههههه يالله فمان الله

وساااارت الدماني .. المقابله ..
اعرفكم على اهل الدماني ..

سعيد (بو حارب) : ريال والنعم فيه ياغير ما يصك فالبلاد دومه يفتر من بلاد لبلاد بحكم شغله الي ما يخليه يستقر في دار وحده .. عنده خير والله يزيده .. طيب سوالف عاقل .. بس الي ما يلاحظه ان مهمل بنته ووحيدته الدماني .. وطبعا هالشي هب بيده ضغوط العمل لي اجبرته على هالشي ..

اليازيه (ام حارب) : ام تحب عيالها .. ركزوا على عيالها .. الذكوور فقط .. متكبره .. متعجرفه .. لها تجارتها الخاصه واعمالها الحره .. ما تقعد فالبيت مووول .. دومها فهوامه من عرس لعرس ومن بلاد لبلاد ولا حد يروم يقولها شي ..

حارب: البكر .. عمره 30 معرس وعنده ولدين وبنت .. مستقل فبيت بروحه رغم كبر بيت اهله الا انه حرمته ميثا شارطه عليه انها تسكن بروحها ولبى لها طلبها .. انسان هادي .. بعيد عن اهله بمعنى الكلمه .. ما يشوفهم االا نادر .. حرمته مسيطره على عقله وذاته وتصرفاته .. ما ايي عند هله الا في المناسبات تقريبا .

سيف :عمره 27 .. يشتغل فوحده من شركات ابوه .. خقاق بس طيب كيف لا تسالوني هههه .. يحب السوالف والربشه .. وبنفس الوقت رزين .. مغازلجي شويه .. ويحب يدقق على اتفه الاسباب .. منتظم في حياته .. ما يحب يدخل فشي ما يعنيه ..

نهيان : عمره 23 .. هذا صديق الدماني الصدووق ما تقدر تكمل يومها بدونه وهو بعد ما يروم على بعدها .. حنوووون لدرجه كبيره .. يعشق اخته عششق ماحد يتصوره .. عمره ما زعلها ولا زل عليها بكلمه .. صاير لها الام والاب .. ومعوضها عن فقدان اشياء وايده رغم صغر سنه الا انه يتممتع بعقل راجح .. وخبره كبيره .. طبعا يدرس في الجامعه .. تخصص علوم سياسيه .. خريش .. فيه غرور شويه .. لازم الغرور متوارثينه في هالعايله مخلف عليهم هههه .. صوته جميل .. ورسام ومصور فوتغرافي وشاعر بعد .. شو تبون تعرفون بعد خلاص ..

واخر العنقود .. الي هي الدماني ورمست عنها في بدايه الروايه ..

نكمل الاحداث ..

في شركه من شركات الدوله ..

سيف : يا محمد كيف تيب لي هالاوراق وهي ما مرت على قسم التدقيق ومافيها توقيع اي موظف منم .. كيف وصل الملف لمكتبي كذيه ..
محمد : والله يا استاذ انا شليت الملف من عند الموظفه حصه وقالت لي ان كل الملفات دققت عليهم وركزت فيهم .. واكدت عليها .. وقالت لي كلهم .. ويبتهم لمكتبك . كيف هذا الملف هب موقع عليه ماعرف .
سيف : خلاص انت روح وخل حصه تيني الحيين ..
محمد : ان شاء الله .. عن اذنك استاذ
..
فمكان ثاني ..
بو حارب : الوو امايه .. شحالج فديتج وشحال الدار ربها الا بخير .. وشحال العيال . عساهم مرتاحين ..

اليده : هلا سعيد هلا ولديه .. بخير لك الخير انا ما اشكي باس .. انت شحالك وشحالها بلاد العنقريز .. عيالك بخير .. ياغير هب كنك نسيت حد ما نشدت عنه ..

بو حارب : عساه دووم الحال يا اميه .. الحمدلله .. لا والله نسيت شو ..؟

اليده : نسيت تنشد عن الدماني ولا ما يهمك حالها ..

بو حارب : هيييه صح نساها الموت .. شحالها وشحال الجامعه قبلوها ولا ..
اليده : يا سعيد حاول تكون قريب من بنتك شو هالقطاعه يحافظ عليكم .. حشم يا صبي .. والله سارت اليوم قالت عندها مقابله .. وبتي الظهر .. عاده ما دقيت عليها بدق عليها عقب شويه .. وبنشد عن علومها ..

بو حارب : هيه الله يوفقها .. اميه انتي تعرفين اني مشغول وما افضى . المهم امايه .. انا ببند عنج عندي اجتماع الحينه فمان الله

اليده : بس يا سعــــــ ـ ـ ـ ........ انقطع الخط .. (والله انك ما تستحي مسود الويه ريال طول وعرض وبعيالك وتبند الخط بويهي ماعليه يا سعود الهرم امفف عليك ..

الدماني في الجامعه ..تترييا .. الدريول

الدماني : ياربيه هذا متى ببي دقيت عليه من نص ساعه وقالي فالدرب شو هالنحاسه
خطفت شله بنات من عدالها .. وكانن يرمسن .

العنود : هذي هذي الي اقولكم عنها ... طلعت بنت واحد هاموور .. بس ياخي ماتعرف تكشخ ما تعرف تظهر قذله يعني شراتنا تكون ستايل

فاطمه : بس عليها جمال ياخي .. جميله خاطريه اكلمها .. واتعرف عليها
العنود .. اييه انتي تراها هب احلا عني وشو تبين فيها دامني عندج

الدماني صدت تطالعهن .. وابتسمت

فاطمه ردت الها الابتسامه .. اما العنود سارت عنهم ..
فاطمه تقدمت صوب الدماني .. : السلام عليكم ختيه ..
الدماني :: هلا وعليكم السلام ورحمه الله وبركاته مرحبا ختيه ..
فاطمه : شحالج ان شاء الله ماكون ازعتجج .
الدماني: لا افا عليج عادي ختيه اصلا انا ارقب الدريول تحير عليه .. آمري
فاطمه : ماشي حبيت استسمح منج على اسلوب ربيعتيه تراها ما تقصد شي بس يعني هي كذيه شويه مغروره ..
الدماني : هههه لا ما عليج حبيبتي مرت عليه هالاشكال وايد واعرف اتعامل معاها وابتسمت ..
فاطمه فخاطرها : هب هينه ثرج عليج ابتسامه يابنت .( اقول شو اسمج .؟
الدماني : ههه انا الدماني وانتي .
فاطمه : عاشت الاسامي حبيبتي .. انا فاطمه .. بس اسمج غريب اول مره يخطف عليه ..
الدماني .: عاشت ايامج الشيخه .. ووالنعم عاشت الاسامي .. هيه اسمي غريب يدوه اختارته لي وسموني به ..
فاطمه : ما شاء الله اسمج جميل وانتي اجمل ..
الدماني : تسلمين فديتج كلج ذوق .. وماعليج زود .. عاده سمحيلي الدريول وصل اترخص .. شي تامرين به ..
فاطمه .. الله يسلمج .. بالحل فديتج بس اذا ممكن بن كودج او رقمج لني حابه اتواصل معاج ..
الدماني : ما عندي بلاك بيري بعطيج رقميه ..
فاطمه : ههه وحد ما عنده بلاك بيري .. اوك عطيني
الدماني : هيه انا هههه ماحبه يختي يلوع كبدي .. اوك سجلي عندج 050 .....
فاطمه : تشرفت بمعرفتج الدماني .. وان شاء الله نكون ربع يالله مع السلامه

الدماني : مع السلامه .. وركبت السياره وتوجهت للبيت ..

اول ما وصلت البيت .. دخلت طيران عند يدتها ..

اليده : بسم الله الرحمن الرحيم بلاج منهده منو يربع وراج .
الدماني : هههههههه ماحد بس ييت اربع ابشرج يعني اني كذيه كنت واثقه من عمري فالمقابله .. وان شاء الله بيقبلوني حتى السير الي كان عندي بشرني وقالي انا متامل فيج خير ..

الييده : يالله يا اميه زين عساهم يقبلونج .. الا غصبن عنهم بيقبلونج انتي شيخه البنات الدماني لا خليت منج ياربيه .. يالله سيري غيري ثيابج وتعالي.. وازقري نهيان اخوج معاج .. بنتغدا ..

الدماني .. : امين يدوه الله يسمع منج ان شاء الله بزقره وانا يايه ..

وصعدت فوووووووووووق

وكتتتتتتتتتتتتتت

ترقبوني فالبارت الياي .. مع احداث اخرى ومشوقه باذن الله

اختكم
الصيرميه ..