منتدى استراحات زايد - [ ترتيب + حجم الصور ]

بسم الله الرحمن الرحيم ، والصلاة والسلام على نبينا محمد
موضوع ازعجني واقلقني كثير بعد كل رحلة تصوير او طلعة بر
من اشتريت الكاميرا للآن مالقيت له حل. (ترتيب الصور)
انا اقول لكم كيف ، طلعة للبر معي كاميرا Canon 600d مثلاً
صورت فيها اعضاء الرحله ( الشباب ) وسياراتهم بالمختصر - صور تذكاريه -
هنا الصور يهمني دقتها تكون جيده يعني 1 ميقا تقريباً او اقل وال 1قيقا=1000 ميقا
و صورت طعس مع الشروق وصورت غيوم - صور احترافيه -
وهنا الصور لازمها دقه عاليه اي حجم كبير تقريباً 5ميقا واكثر و 1قيقا=1000ميقا

وانا دايم اصور بدقه عاليه ، وإذا رجعت للبيت صار عندي مشكلتين
1-حجم الصور
2-ترتيب الصور

حجم الصور ؛
اي الصور التذكاريه حجمها كبير جداً عند نسخها للجوال ، الهاردسك ، الميموري
وابي طريقه اصغرها فيها غير الفوتوشوب لأنه ياخذ وقت

ترتيب الصور ؛
وهذي الاهم اللي فتحت الموضوع عشانها،صور التذكاريه تتلخبط مع الصور الاحترافيه
كيف ارتبها وعلى اي اساس ترتبونها انتم ؟
مثلاً صورت اليوم اخواني والوالد -صور تذكاريه- بالمنزل وذهبت لرحله وصورت صور احترافيه وصورت الشباب صور تذكاريه وصورت مثلا حفله او بالعيد صور تذكاريه.
الآن تكون لي صور كثيره وملخبطه وهذا اللي حاصل لي وعددها حول 500 صورهـ ملخبطه
كيف ارتبها ؟ اُنشيء مجلد جديد بإسم صور وآخر بإحترافيه ؟ ومجلد صور اضع فيه الصور التذكاريه كلها في آن واحد ام اقسمها يعني الرحلات مجلد والباقي مجلد؟ والاحترافيه مجلد اخر؟
وهل اشتري كاميرا شبه احترافيه للرحلات عشان لازم تكون بيدي اغلب الوقت والكاميرا الاحترافيه لو دخل فيها تراب او طاحت ممكن تخرب وتصليحها بقيمة كاميرا جديده او تنصحوني اشتري كاميرا اكشن -مغامرات- للرحلات واصور فيها للذكرى ك القوبرو وسوني وماجيكام ؟
اتمنى من الجميع التفاعل والرد علي لأن هذا الموضوع اقلقني كثير
ويكون رده واضح او كيف هو مرتب الصور ؟ علماً اني بانسخها على الكمبيوتر وفلاش ميموري وهاردسك لأن سبق وضاعت ذاكرتي .
اعتذر عن الإطاله لكن زي ماقلت لكم اقلقني كثير الموضوع وقررت اطرحه.