السيارة ما تشتغل الصباح ( الجو بارد ) - مشكلة السيااارة صعبة جداً وينكم يا أهل الخبرة
 

السلام عليكم ورحمة الله وبركاته

كيف حالكم ي أخوووان ..

عندي مشكلة صار لها ما يقارب 3 أسابيع وما لقيت حل لها .. وإن شاء الله ما تقصروون معانا في حل هالمشكلة ..

سيارتي gxr 2010 v8

في مساء الامطار ما قبل اسبوعين رجعت من البر متجه للبيت ووقفت السيارة بطريقة مغايرة عن العادة , رفعت السيارة ع البايكه وكان خشم السيارة نازل .. وكانت تلك الليلة
امطاار وخير علينا ,, أصبحت اليوم التالي حاولت اشغل السيارة ما اشتغلت معي

كانت تشتغل وتطفي بشكل سريع .. طبعا فحصت ما استطعت فحصه وبعض الامور اللي
كنت اتوقعها ولكن بلا جدوى .. وديتها للورش ووقف عليها كبااار وفطاحلت صناعية النسيم ( الرياض ) وبعد 5 اياام تقريباً جاء هندي اسمه ( بخاري ) في خلال خمس دقايق حدد المشكلة من ضفيرة الكمبيوتر .. نظفت الضفيرة ومن بعدها اشتغلت السيارة < لحظتها كنت بحضن الهندي من الفرحه ..

لكن للاسف في صباح اليوم الثاني السيارة ما اشتغلت فقمت في تنظيف الضفيرة واشتغلت بعدها وظننت ان المشكلة انتهت .. ولكن في كل صباح السيارة ما تشتغل إلا بعد تنظيف الضفيرة ..

ولكن المشكلة شبه تحولت .. اصبحت السيارة ما تشتغل الصباح ( واتوقع لان السيارة باردة ) ومن بعد الساعة 11 تقريباً تشتغل !! وما فيه احسن منها ,, لكن الصباح ما تشتغل ..

وقبل امس وديتها للصناعية القديمة لمركز البلاد ولكن ما اكتشفوا شيء .. قالوا كل شيء سليم ..


للعلم تم فحص السيارة كمبيوتر وظهر فيها خطأ في نظام السكورتي أو بالاصح نظام بلايزر وهذا رمز الخطأ b2799 .. علما تم فحصها من بداية المشكلة إلى حد امس ولازال هذا الخطأ موجود ..


ما الحل في رأيكم

هل المشكلة من الضفيرة ؟؟

لان تم تركيب بلايزر وكمبيوتر ع السيارة وظهر نفس الخطأ ..

افيدوووني بارك الله فيكم ,,