هل تؤيد او تعارض السلام عليكم هل تؤيد ان يسكن الشاب عند الزواج مع اهله ام في سكن خاص فيه هو وزوجته ام تعارض لانه انا سمعت واايد مشاكل تصير بسبه هاي السالفه |
امممم والله الي انا اعرفه اذا كانت الزوجه زينه مع اهل الزوج ما راح تصيير اي مشاكل واذا الزوج ما عنده فلوس حق السكن الي يبا يسكن فيه المفروض الزوجه تتفهم الوضع وتقعد مع اهل الزوج يكوووون احسن ويكون تعاملها زين مع اهله علشان ما تصير مشاكل |
اقتباس:
لكن يستحسن انه يكون لبيت روحه .. لانه كل حرمه تحب هي تمشي بيتها .. يمكن الزوجه ما يعيبها تصرف ام الزوج واهله وكل متزوجه تحس انها اميره في بيتها وهي الي تاخذ راحتها وتاثهه بلي تحبه .. وتحس براحه اكثر .. شكرا اخوي لطرحك من هالمواضيع الي تستحق النقاش وتفيد الغير |
اقتباس:
هذا يعتمد على الشاب و اهله و الزوجه ... اذا الشاب قادر على ان يوفر له سكن خاص له و لزوجته فهذا خير و نعمه ... و لكن اذا وضعه لا يسمح له بتوفير سكن خاص به و بزوجته فعلى الزوجه ان تصبر على زوجها ... و بالنسبه لاهل الشاب و الزوجه اذا كانت العلاقه بين اهل الشاب و الزوجه جيده فانا ارى الافضل ان تبقى الزوجه بقربهم و يتربى ابنائها مع اقرانهم من ابناء عمومته و وسط جديه ... و لكن اذا كانت العلاقه بينهما سطحيه و بها حساسيه فالافضل ان تستقل الزوجه بسكن خاص حتى لا تكبر المشاكل ... تحياتي ... |
السلام عليكم يعتمد ع الزوج والزوجه واهل الزوجين الزوج اذا عنده الامكانيات في فتح بيت وتوفير كافه متطلبات البيت و الزوجه الزوجه ونوعيه علاقتها مع اهل الزوج في المقام الاول وفي الثاني قدرتها على ان تكون مسيطره على بيت اهل الزوج اذا هم مستعدين ان يتغاضون عن اغلب عيوب الزوجه بس عشان راحه ولدهم او اذا ماكانوا مستعدين لهذا التغيير فبالتالي افضل لو يطلع في بيت اهل الزوجه كيفيه مساعدتهم للزوج والزوجه واذا ما كان لهم تاثير فعال ايجابي او سلبي على الزوجه والزوج و اهل الزوج والسموحه في حفظ الرحمن |
المشاكل تخلق من الاهل ومن الزوجه غالبا لا شغله ولا مشغله فضاوه ولا اغلب القضايا يكون سبب الزن من ام الزوج او ام الزوجه والزوجات بعد علل من ورا مصاختهم تنخلق مشاكل من اسباب تافهه تحياتي |
اقتباس:
السلام عليكم السموحه الزواج علاقه مشتركه بين المرأه و الرجل واي مشكله تكون بعد مشتركه من البديهي ان الرجل يرمي الخطأ على المرأه و العكس صحيح لكنها خطوه مشتركه و مشاكلها يتحملها الطرفين وبالذات اذا اختفى من بينهم الحوار السليم او اذا عاند كل واحد بالثاني والاهل من الطرفين بعد مرات يكونون هم المشكله لما يكون تدخلهم غير حيادي والسموحه في حفظ الرحمن |
انا عن نفسي اشوف ان السكن بروحهم احسن لأن بصراحه إذا كانوا الأهل ناس مايحبوون يختلطوا بناس ايداد عليهم اكيد بتضايقوا من وجودهم واصلا مع السنين الحرمه بتستقل فبيت ثاني وانا اقوولكم ليش تصير مشاكل اكثر يصيرن من الحميات هذي تغار منه والله اخوي ملبسنها ملابس ماادري كم هذي قاس عليك وجي حتى لو عاملتهم زين دووم في شوشره احسن الإستقلال فبيت بروحهم وعيشه بروحهم الواحد مايتحمل حد ينكد عليه او يشوشر عليه او يلعب براسه وكل له حقيت الراي داانه* |
مرحبآآ ملاآين ولايسدن " .. :) بالنسبه لموضوعج .. |* بكل اختصار .. ^_^ الريال لازم يدر الحرمة ويسويلها بيت لانه وراهم عيال وباجر بيعرسون ^_^ .. ف لازم يفكر مستقبليا .. ومشكووورةةة ع الطرح ؛ ^.^ |
أنا لا أؤيد .. لأنهم ولأسباب تقاليدية يقولون أول سنة ولا سنتين مع العائلة .. ويا جماعة أحلى سنة ولا سنتين هيا أولهم في الزواج بعيد عن التدخلات عشان يفهمون بعضهم وعشان خصوصية العروس شوي .... أما لو كانت أسباب مادية (الله لايجيبها) فهذا أمر ثاني |
الساعة الآن 10:34 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir