منتدى استراحات زايد - مشكلة في قير يوكن 2011

الاخوه الكرام
السلام عليكم ورحمة الله وبركاته ،،
ادخل بالموضوع اشتريت يوكن xl موديل 2011 سعودي بدون دبل مستعمل وكان ماشي تقريبا 86 الف كيلو السيارة وارد العيسي وتم فحص السيارة عند ورشة البريدي بمعارض النسيم
وقال توكل على الله السيارة ممتازة .
بعد مااستخدمت السيارة صارت ترج بعد سرعة 140 وتم ترصيص الكفرات ارضي
ومافيه فايدة رجعت للميزان وبدل الكفرات ومافيه فيه فايد
طبعا الرجه ماتجي الا اذا كنت ماشي على سرعة 80 وزدة السرعة الي ان توصل الي 140 تبداء الرجه واذا خفضت السرعة راحة الرجه ولكن اذا السرعة عادية بالتدريج ماتجي رجة
والشي الثاني القير تغيراته منتظمة بس اذا هديت السرعة ووصل تقريبا الي سرعة 40 وضغطت الابنص على خفيف يطلع صوت عرة بالقير شوي وتختفي وزادت الحين اذا كانت ماشي 80 تطلع معي وتخفتي .
راحت محلات القيرات وفحصو السيارة واحد قال طنجرة والثاني قال توظيب يكلف 9800 ريال واحتمال تغير الحساس اذا ماقبل برمجة وسعره 2000 ريال الثالث قال خلك ماشي عليه الين يوقف والرابع قال لزم تنظف دعسة البنزين ونظفتها ومافيه فايدة .
ياريت حل للمشكلة او احد مرة عليه نفس المشكلة
وتحياتي لكم ،،،