هل الطير يرى الجن
 

السلام عليكم ورحمه الله وبركاته

___________________________________

موضوع يمكن جديد حبيت اني اثيره لان صارت معاي قصه قبل ساعتين حول الساعه1صباحامع الطير وابي اشوف هل صارت مع احد قبلي من اهل الطيور

انا عندي طير طلعته تقريبنا قبل 10 ايام وانا بالمده هاذي ادهل الطير وفيه صيحه خفيفه يمكن الي بجنبه يالله يسمعها لان الطير فيه وحاشه وله يومين تقريبا مع التدهيل ماعاد يصيح الا عند العلف بالبدايه ويوقف ولاهي ذيك الصيحه مثل الونين والطير راكد لبعد الحدود على يدي يتفلى واموره طيبه لو يجلس على يدي بالساعات مايكفخ الزبده يارجال قبل ساعتين تقريبا طلعت الطير من المجلس والمجلس عباره عن بيت شعر مبني في حوش المنزل وقلت ابي اجلس برى شوي الاعب الطير وجلست على عتبت او السلم الي يطلع للحمام الخارجي الله يكرمكم وهو تابع لبيت الشعر وجلست وحطيت ظهري يم دورت المياه وكان باب دورت المياه الله يكرمكم الباب مفتوح واللمبه طافيه ومابيني وبين الباب يمكن الا ربع متر وقاعد امسح على الطير ويتفلى على يدي ويسوي ريشه فجأه الطير ناظر وراي وصاح صيحه والله انها طالعه من قلبه ماعمري سمعت طير صاح مثلها حتى صيحته تغيرت تقول صيحه غراب ماهو طير وضل يصيح والله ماجاء على بالي الا انه شاف جني لان مافيه احد الا انا والطير بس وانا اسمي واكبر وسكرت باب دورت المياه والله ان شعر راسي وقف من صيحته صيحه غريبه هو شاف شي وراي وصاح وتعرفون الطير لاخاف من شي او احد مر من وراه ينزل راسه هذا نزل راسه ويناظر وراي ويصيح مافيه وراي الا دورت المياه ونتم بكرامه وانا متاكد 100 % انه شاف شي اكبر منه حجم ولا ماينزل راسه الطير الا اذا فيه شي اكبر منه حجم ويصيح ويناظر وراي عيونه يم دورت المياه ونتم بكرامه وهو له نص ساعه على يدي وقاعد يتفلى ومسح عليه ولا طقلي خبر مرتاح على يدي وفجاه صاح صيحه قويه صيحه خوف وانا امسح عليه ابيه يهدا وهويصيح ويناظر وراي حتى ماناظر علي يوم امسح عليه انا اناظر وراي ماشوف شي والله وانا اسمي وكبر وانا ابرقعه

حبيت اني اشوف هل احد مر عليه مثل هالموقف او سمع ان الطير يشوف الجن طبعا الجن عايشين معانا لاكن حنى مانشوفهم وهاذي حكمه الله و لو كان حنى نشوف الجن يمكن ماتهنينا بعيشتنا
وكماورد عن الرسول عليه الصلاه والسلام ان الحمير ترى الشياطين مما يجعلها تنهق وان الديك يرى الملائكه

لاكن هل الطير يرى الجن انا من ناحيتي متاكد انه يرى الجن ولا عندي شك ابد بعد الي حصل معاي اليوم