|
الجذابي ومشاكله ومكاسبة الخياليه لعيال الجيران السلام عليكم مساء الخير من شوي ونا اقرى موضوع النبهاني ابو سالم ( سالفة الحمام اللي تصروع من الحلا ) تذكرت سالفة .,. اذكر كان عندنا حمام بالمزرعه اخليطي نجدي وهندي كوكتيل يعني وكنا ناكل من الفراخه كل نهاية اسبوع ومره جيت لقيت اعيال الجيران داخلين المزرعة يهاوشون العامل لهم مزرعة بجب مزرعتنا وشارين حمام ولما دخلو الديرة ورجعو بالعطله ما حصلو حمامهم يقول عندكم جذابي جذب كل حمامنا وحمام كل المزارع قلت وش عرفكم قالو عيال الجيران يقولون جاذب حمامهم واخر شي سكرو على حمامهم بالعشة . وحنا نبي حمامنا طلعو راعين صنف ويبخصون انواع الحمام . عفاريت قالو هذي وهذي وجلسو يغزون بصابعهم على حمامهم قلت ادخلو وخوذو حمامكم قلت للعامل اقلع مدى هالجذابي اللي يقولون وفكنا من المشاكل قالو حنا نبيه قلت خوذوه وخذوه وصار يجذب حمامنا لعشتهم بلشت انا الحمام صار ينقص ولا فيه فراخه مثل اول شكيت بالصعيدي قلت شكله كل يوم يحشي ويحمر من هالحمام ويعزم كل عمال المزارع ونا ديته قلت يا مدحت الحمام مش بينقص او مش حاسس بالنقص فيه احد يدخل ويسرق او انتا بتذبح وتعزم كل عمال المزارع قال يا عمي انا صحيح بذبح وباكل زي ماسمحت لي المشكله الحمامه الجميله قلت له وش جميله يبو جميله اللي اديتهم اياه هو اللي بيسرق من العشه قلت كيف بيسرق قال كل يوم بيجي الصبح بدري ويجلس مع النسوان ويفسحهم لين العصر وهوا رايح ياخذهم معاه ولما تروح النسوان معاه كل زوج وكل عاشق بيلحق زوجته وعشيقته ولا يكون فيه فراخ بعد ما تروح النسوان قلت امسكه وقص جناحه قال حاولت الطير هذا جميل وحذر بالمره وبيجلس بمكان ما اقدر امسكه ومعرفش النسوان بتروح ليه ازي باين عليه مسكون ههههه ونا مدري ان فيه حمام جذابي جايب الحمام لجل ناكل منه والحين عرفت الزود اول من وين يجي لما كان الجذابي موجود ونا كنت احسب الزود يجي من المزارع ويجلس لجل الاكل قلت لهم رجعو الجذابي او غيرو مكانه جلسو يضحكون قالو اصلن مخططين بنوديه للديرة يجذب حمام الحاره قالت حرام عليكم وش هالشغل رجعوه لي قال واحد منهم شكله هو المخطط قال نمزح بنوديه للمزرعه الثانيه يجيب من الحمام اللي ماله احد لان ما حولنا جيران بالمزرعه الثانيه قلت كذا احسن لكم وبعد كم يوم جاء ابوهم يتقهوى عند ابوي وقلت ما شاء الله يبو صالح سمعت مشتري مزرعة ثانيه قال لا ما عندي غير هذي ولا فكرت اشتري وعرفت انهم يكذبون وبعد فترة حصلت واحد من العصابة يصيد دخل قلت كيف شغل الجذابي قال كل اسبوع نجيب شبك مليان حمام وصار عندنا عشش كثيرة تعال تعال شف ونا رحت اشوف واثره صادق وصار عندنا حمام ما نقدر نعلفه من كثرة وجبنا عامل للحمام يعطيهن وينظف وصرنا نبيع ونكسب والله انه خطير هالجذابي ما عندك واحد ثاني نبيه بنشتريه باللي تبي وانطلق بالكلام وكب العشاء هو ودميجته ونا انادي باقي العصابه قلت لهم شغلكم ما ينشغل وحرام عليكم تكسبون بالطريقة هذي راح ابلغ ابوكم . قال رئيس العصابه بعد ما غز بعينه اللي كب العشاء لا لا هذا ما يدري حنا نشتريهن من السوق والله وجلس يحلف . انا عرفت انه بيرقع الموضوع قالو تعال تغد معنا بنضبط الدخل والصفار كبسه يحبه قلبك قلت له لا يا شيخ ورحت المغرب اتقهوى عند ابوهم وقلت له السالفه قال انا اشوفهم منغنغين كل هالفتره ويلعبون بالدراهم وكل فتره مصلحين عشه جديدة ويقولون لي جبنا عامل للحمام لجل نريح عمال المزرعة واذا تحتاجه يساعدهم ما يخالف وكم مرة اقول لهم عيب عليكم يا عيال اعزمو خوياكم بالمزرعه ويتهربون من عزيمتهم ويتحججون ونا ما طرى على بالي شغلهم ولا يبون ربعهم يجون لجل ما يكشفون حمامهم المسروقه ناداهم وثبتهم قدامه واحد واحد وغسلهم غسل وحجرهم ومنعهم من دخول المزرعه لين يرجعون الحمام لاهل الحاره لان اللي عندهم حمام معروفين بالحاره حسب كلام ابوهم بعد اسبوع عزمني وعزم اللي عندهم حمام بالحارة على الغداء وكل واحد اخذ حمامه واللي ما حصل حمامه قاله اختر اللي تبي لين يكتمل عدد الحمام اللي انت فاقدة لانهم بايعينه هالسمرمد وعياله طايره عيونهم ونا اضحك ونا اخذت الجذابي وسميتة الأستثمار ونا اطلع من المزرعة قالو لي تبيع الجذابي قلت لابذبحه واعطيه مدحت ياكله ههههههههههه طارت عيونهم قالو بنشتريه باللي تبي ما تابو يبي يأسسون من جديد قالو تكفى ومن هالترجي ولزمو على الشراء ولحقون لين السيارة قلت ترى بقول لبوكم يوم قلت بقول لبوكم ما شفت الا اغبارهم |
| الساعة الآن 04:23 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir