منتدى استراحات زايد - المغاربة والمضاربة (مقال بالدارجة المغربية)

خوتي خواتاتي السلام عليكم،
ف هاد الموضوع غادي نضحكو شوية ولكن غادي نستافدو.
من كلمة المغاربة غادي نجبدو كلمات تاتعلق بالمضاربة باش نشوفو اننا حنا المغاربة واقيلا عزيز علينا المضاربة.
تفكرو معايا بعدا السكيتش ديال الشرڭي كان ڭال اننا عندنا ثقافة الضرب ” ضرب الباك باش ضربها بشي خدمة باش ضربها بتزويجة …”
إيلا شدينا كلمة المغاربة وحيدنا نقطة من الغين غادا تولي المعاربة وحنا نيت فينا العرب.
إيلا شدينا المعاربة وقلبنا الراء مع الباء غادا تولي المعابرة كل واحد كيعبر لاخور قبل مايضاربو.
إيلا زدنا نقطة فوق الراء غادا تولي المعابزة.

دابا أجي نهضرو بالمعقول، العنف كايدخل ف التربية ديال الدراري الصغار ف الرسوم المتحركة والالعاب الالكترونية وحنا كنضربوهم و الواحد كيكبر كيتفرج ف افلام الاكسيون وكيشوف برامج كلها عنف والانترنت …
اللي تعصب ف الزنقة كيضارب عوض انه يستعذ بالله من الشيطان الرجيم ويهدأ نفسه وحتى ايلا غلط شي واحد ف حقو يتسامح.
أحيانا من حاجة بسيطة كينوض الغوات علا والو اجيو نبدلو الطباع ديالنا ونسامحو للناس ونصبرو شوية باش نقصو من هاد الظاهرة باراكا من العنف واجيو نتفاهمو را حنا كاملين مغاربة مسلمين خوت يڭول كل واحد را خاصني نساهم باش هاد المجتمع يزيد يتقدم للأمام.

المغاربة والمضاربة | مع يونس