منتدى استراحات زايد - سالفة القراده ما تخلي اهله .. أخو من طاع الله

بسم الله الرحمن الرحيم

السلام عليكم ورحمة الله وبركاته

فيه واحد مقرود سافر للمدينه يدور شغل واخذ له اسبوع وهو يدور

لكن من قرادته ما لقا شغل وهو يطفش وتاصل معه

وبيوم من الايام مر على بقاله يبي يشري له حاجه

وشرى حاجته وطلع والا والله هكالجمس شغال قدام البقاله وما فيه احد

وهو يتلفت يمين شمال ماحوله احد ويطمر بالجمس ويتله

طلع من المدينه ومسك الخط مبسوط اربع وعشرين قيراط ما غير يهيجن

يوم اقبل على المركز واثر فيه تفتيش

وصل عند العسكري قال له رخصه واستماره

قال نسيتهن بالبيت والديره ماهي بعيده نصف ساعه

اروح وارجع لك ومعي الرخصه والاستماره

قال العسكري انزل قال علي الطلاق نصف ساعه واجيبهن لك

قام العسكري واخذ لفه على الجمس والا وش يشوف

رجع للسواق وقال وش معك قال السواق ما معي شي

قال وتنكر بعد تعال وشف اللي ورا

نزل وناظر والا وش يناظر جنازه على نعش

قال السواق علي الطلاق ماهو طلاقي الاول اني ما ادري عنه وان الجمس ماهو لي لقيته عند بقاله

قاموا العسكر وكلبشوه ثم ودوه للشرطه

وبعد كم شهر سجن طلع ورجع لديرته وحرم يروح للمدينه

انتهت السالفه

غفر الله لي ولكم وللمسلمين والمسلمات والمؤمنين والمؤمنات الاحياء منهم والاموات

وتقبلوا تحية اخوكم

اخو من طاع الله