65000 , وش تنصحني فيه ؟
 

السلام عليكم


معي مبلغ 65 الف , و ابي اشري لي جيب لكن للاسف مالقيت شي يسوى بهالمبلغ تنفخت رجيلاتي من الدوران :d ..

لقيت فتك 2003 سوبر سفاري و واحد 2004 sgl-v و كلهن موقفات بمعارض فحصتهن ولا جازن لي و حادينها باسعار عاليه

و طولت وانا ادور بالمعارض باحثاً عن الباترول 2002 - 2004 ولا حصلت نظاف

ان كانكم تخبرون معرض عنده سوبر سفاري لؤلؤي نظيف بنفس الموديلات المذكورة دلوني عليه ولكم دعوه في ظهر الغيب !!

المهم بعد الدوران ذا شفت اكستيرا موقف بمعرض و تمقلت فيه و ركبته و تقل جاز لي شوي لكن عيبه ضيق من الخلف و داخليته صماء كأني راكب ددسن .. صحيح مايحق لي اتشرط خصوصاً ان المبلغ اللي معي ولا شيء هالوقت

المهم انا حالياً احترت بين الاكستيرا 2009 و فوق لأنه يجي مكيف خلفي

او باترول فتك سوبر سفاري 2002 - 2004 ادور لي واحد ممشاه تحت الميتين

الاكستيرا بيكون اجدد و اقل ممشى و مافيه شيء يميزنه عن الباترول من ناحيتي الا الموديل بس .. غير كذا خوفي يكون مثل الباث 2005 وتحت !!

الباترول تانكيين و دفلوك و قير تبترونك و فتحه .. لكن ممشاه بيكون اكثر و شكل اقدم من الاكستيرا و تكييف خلفي مستقل عكس الاكستيرا و الثلاجه طبعاً

اذا فيه خيارات ثانيه ياليت تشاركني فيهن لكن ابي موتر صبور على الجلد لأني ما ارحم الموتر :d