منتدى استراحات زايد - حل مشكله رجه باترول 98 مجربه بالصور

السلام عليكم ورحمه الله وبركاته

بشروني عنكم يا الشقرديه ؟

اليوم موضوعي عن رجه الباترول وكثير ناس يشتكون منها

اذا مشيت من 100 وانت طالع وطحت في جفر او مطب يرج الدركسون رجاً مبرحاً :D

للدرجه انك تحس ان السياره بتتفكك والي على الخط يحترونك تتقلب و يوخرون عنك

طبعا صارت معي وهجة بي السياره وفكني الله وعدت على خير

رحت لآكثر من ورشه وكل واحد يفتي من راسه الي يقول رمان والي يقول مساعدات والي يقول كراسي مكينه وقير والي يقول جلب مقصات وغيرها كثير

طبعا انا جاء في بالي مساعد الدركسون وغيرته وما زالت المشكله موجوده والرجه مثل ماهي
(كأنك يابو زيد ماغزيت)

الحل :

رحت لم ورشه فلبيني بالشفاء وقالي المشكله من جلب عامود الدركسون و نزلت بنفسي عشان اشوف الجلب ما لاحظت فيها شي
قلت جلبه كويس ما فيها مشكله قال طيب بوريك جاب مفك وحك الجلبه و تقطعت بكل سهوله وتفتت كانها بسكوت شاهي:D

قلت له على مسؤؤليتك تتحمل قيمتها ؟ قالي انا متاكد المشكله منها والجلب تعبانه و ولى عليها الزمان :p

رحت للمحل قطع اصليه نيسان وشريت الجلب منه (هي تجي جلبتين يمين ويسار)

رجعت للورشه وبدا شغل الفك والتركيب اتركم مع الصور المتواضعه :

قبل فك العامود والجلبه زي ما تشوفون منتهيه

http://im41.gulfup.com/MrTua.jpg

بدايه فك العامود

http://im34.gulfup.com/sWy83.jpg

شكل العامود بعد فكه

http://im31.gulfup.com/qWFzZ.jpg

شكل الجلب طبعا اصليه 100%

http://im33.gulfup.com/e1RSd.jpg

طبعا اللحين لازم مخرطه عشان يثبت الجلب
وانا انتظر العامود يوصل من المخرطه جاء مدير الورشه بشيك على السياره

http://im31.gulfup.com/NTUsw.jpg

ونعم المدير ههههههه

اخيرا وصل العامود و زي ما تشوفون الجلب الجديده

http://im35.gulfup.com/NU2OI.jpg

تركيب العامود انتبهوا لازم يربطه بقوه عشان ما ينطلق عليك

http://im38.gulfup.com/jBFhO.jpg

وبكذا انتهى التركيب جاء وقت التجربه وانا ماش اشك انا المشكله ماهي منها

وامسك لك خط وادعس يوم وصلت 100 و الدركسون ثابت وامشي الين 180 ومشاء الله اختفت الرجه 100% ولله الحمد بغيت احب راس الفلبيني :D

التكلفه :
سعر الجلب = 120 ريال اصليه (سعر الحبه 60 ريال)
المخرطه = 30 ريال
شغل اليد بعد المكاسر = 50 ريال
المجموع = 200 ريال فقط

اتمنى الكل يستفيد من موضوعي المتواضع

وبكذا اختم كلامي و اقول

ان اصبت فمن الله وان اخطأت فمن نفسي والشيطان

تحياتي شاد الرحال