تجربتي مع راع بريده تفيدكم كثير
 

استأذن مشرفي الموقع لعرض التجربة لأنها فعلا تفيد أعضاء هذا المنتدى الموقر

أنا ركبت شاشة وكاله تايوتا gxr 2013 فيها الذاكره مومري خارجية على سيارتي gxr 2011 ركبتها في الرياض وشغلنا الشاشة على الرادو والدي في دي وغيره إلا gps حاولوا وجربوا يركبون الشريحة وترفض الشاشة قراءة الذاكرة ثم يغيرون برمجة الشريحة لكي تتوافق مع الشاشة باختصار عجزوا عنها وقالولي توكل على الله مانقدر
المشكلة قيمة الشريحة بالوكالة 1400 ريال المهم بحثت بقوقل وهداني الله على شخص من بريده ( أبو عبدالعزيز ) وأتواصل معه لأن جواله مكتوب في الموقع المهم قال وإنت رايح لحائل كلمني إذا وصلت بريده وأطلع لك على الدائري وفعلاً كلمته وتواعدنا وإلتقينا صلاة المغرب .
الرجال معه بسيارته كل استعداه ويبدأ صلاة المغرب على مرتبة سيارتي ويبدأ يشتغل حتى وصلت الساعة التاسعة بدون مبالغة على جنب الدائري ومن بدأ وهو يحاول فك الشفرة ماشاء الله عليه وفعلا فكها بعد ماكنت أنا بحالة يأس وأنتظر كل لحظة يقول لي خلاص تعبت لكن الحقيقة شخص ذو أخلاق عالية مميز صبور مبدع والسعر جداً واقعي وقلت له والله لو تبي الصفط كامل تستاهله.
هذه التجربه أحببت نقله لأنه شخص يستاهل ذكره وأنا واثق إنه يفيد غالبية الأخوة وحتى الخرائط شغل على مستوى مدن وصحاري
فله ولكم كل الشكر والتقدير وسامحوني في الإطاله ورقم جواله معي لكن ماأدري هل مشرفي الموقع يسمحون لي بعرضه أو لأ
ياليت لو يرد أحد المشرفين بالموافقة لتكتمل الفائدة