ضروري من نوى يشتري ثلاجة الرميح
 

السلام عليكم ورحمة الله وبركاته
أسعد الله مسائكم بكل خير
انتم تعرفون إن أهم شي بالثلاجة هو الكمبرسر والمعروف بأن الأصلي هو دانفوس وأنتم تعرفون عزوف الناس عن ثلاجة ويكو الطمرة هوا عندما غيرو الكمبرسر من دانفوس الماني إلى كمبرسر مجهول الهوية بإسم باي سكوب.
قلنا مالنا بديل إلا الرميح كمبرسر دانفوس الماني اصلي والبدي صناعة تايوان غني عن التعريف قلت لآزم آخذ لي وحدة قبل مايلعبون فيها زي ويكو غيرو الكمبرسر.
هنا تأتي المفاجئة عندما تفاجأت كنا في رحلة برية أمس الجمعة وكانت مع واحد من العيال 50 لتر الرميح ماتبرد زين قلت له يمكن المشكلة عندك بالتسليك ولا البطارية ضعيفة قلت خل نجربها على سيارتي والبطارية ألي بسيارتي جافة جديدة مركبها قبل كم شهر والسلك قوي مرة لآكن المشكلة موجودة تشبك أوتفصل قلت أكيد أن المشبك حقه ضعيف مدخل الولاعة قلت خل نفكها نركب سلك دايركت وتفاجأت عندما قمت بفكها بأن الكمبرسر مكتوب عليه باي سكوب بدل دانفوس الماني والرميح كاتبين على الكرتون الكمبروسر دانفوس .
يعني فيه دفعة عند هم الأولة اصلية الكمبرسر دانفوس والدفعة الثانية باي سكوب يعني انتبه خذ الي مكتوب على الكمبرسر دانفوس mad en germany
إنتبه تأخذ المكتوب على الكمبرسر mad en bay skob مع العلم إنهم كاتبين على الكمبرسر دانفوس.
عاد رحت لمهم اليوم أنا أواحد من ربعي لمهم نبي ناخذ على وحدة فيه ثلاثة من الموظفين عندهم عند الرميح قلت للموظفين الكمبرسر وش صناعته قالو على طول صناعته دانفوس الماني قلت فكيت واحدة مع صاحبي لقيت مكتوب عليها باي سكوب قالو مستحيل
قلت خلاص نبي ثنتين بس نبي نفكهن نشوف قال خلاص بس إذا كان الماني لآزم تأخذونهن قلت أكيد حنا جاين نشري قال خلاص قلت طيب جب المفك بسم الله نفك الأوله الي بالعرض تمام دانفوس الماني قلت عطنا الثانية فكيناها غير مرضية باي سكوب قلت عطنا الثالثة تمام دانفوس الماني.
إستغربو الموظفين قالو غريبة أول مرة ندري أن الكمبرسر مغير.
خلاصة الكلام يعني إذا قسمك الله أنك تبي تدفع الفلوس ثلاثة الآف ريال لثلاجة الرميح ال50 لتر أفضل شي أنك تتأكد من الكمبرسر بالداخل بأنه دانفوس الماني لآيهمك كتبهم على الكرتون من برا.
عذراً على الإطالة وجزاكم الله خيراً