منتدى استراحات زايد - انــــتــــــــــــــــــبـــــــــه مــن الــســــوم الــمــــــشـــــــبــــــــوه

السلام عليكم ورحمة الله وبركاته وبعد

يااخوان نشوف كثير من الاخوان اللي بعيد جدا عن محل صاحب الطير

يسومون سومات اللي قريب من صاحب الطير

واخص بذلك اذا كان المسيوم من فروخ الشياهين لان اسعارها معروفه وثابته

واضرب مثل لوكان فيه فرخ شاهين في ابها وانت في الرياض هل بتسوم بـ3000

واذا باعك هل بتضرب كل هذا المشوار طبعا لا ولابتدفع حق التوصيل 1000او15000

طبعا لا لأنك راح بتحصل اقرب بسعر اقل

واللي خلاني انزل الموضوع ان بعض اصحاب السومات يبين من رقم جواله انه بعيد جدا

ويوضح لي 90% انه ماراح يشتري حتى لو باعه صاحب الطير

فتكون السومه في حكم التطفيف وبعض الاخوان يزود في السومه بدون ماينتبه

للسومه اللي قبله هل هي سومه واضحه يكتب من خلالها معا التوصيل اوبدون توصيل

او سومه مشبوهه وغير واضحه والمتضرر فيها طبعا الشراي الصامل

ومن باب حب الخير للاخرين ارجو ثم ارجو من اصحاب السومات اللي بعيدين

ان يوضحون سومتهم هل هي معا التوصيل ولا بدون توصيل

وارجو من اخواني الاعضاء ان لايسومون حتى ينتبهون للسومات اللي قبلهم هل هيا واضحه وصريحه

وارجو من المشرفين ان ينتبهون لهذه المشكله وان يجدون لها الحل المناسب

والمعذره على الاطاله