خيمه النحل
 

السلام عليكم : أولاً أبارك لأعضاء المنتدى المباركين بعيد الفطر وتقبل الله من الجميع صالح الاعمال وكل عام وأنتم بخير والمسلمين بأمن وعافيه . ثانياً : عندي مشكله مع النحل ودي أهل الخبرة يفيدوني فيها ، عندي نحل صناديق إفرنجي ثلاثين صندوق ، عشرين صندوق ضعيفه جداً حاولت أقويها عطيتها عجينه مافيه فايدة ماتغير شي ، حطيت لها حظنه من براويز ثانيه مافيه فايدة ، وضعتها في مكان فيه حبوب لقاح وزهور مافيه فايدة والى الآن وهي ضعيفه ، واللحين تخبرون بدأ موسم السدر شلت الصناديق وضعتها في روضه السدر فتحتها بعد أسبوع مازالت ضعيفه وتعرفون ان موسم السدر يضعف الخليه ، وأنا والله ياجماعه الخير احترت ماأدري وش أسوي فكرت أني افتح الصناديق وأطير النحل اللي فيها مع ملكاتها ، لكن تعوذت من الشيطان وقلت أبسأل أهل الخبرة اعلم مني وأفهم لاتبخلون علي بإقتراحاتكم فيكم الخير والبركه ، ثالثاً : انا أبي ملكات نحل قويه وسلالاتها طيبه اللي عندة لايبخل علي والا يأمر عليه مستعد وبيض الله وجيهكم والسلام !!!